на Русском
Հատուկ զբոսայգիներ՝ շների համար
Բեյոնսեն ծաղկեփունջ է ուղարկել իր երկու տարեկ... 
Նալբանդյանը պարգևատրել է ՌԴ դեսպան Իվան Վոլինկինին. դեսպանն ավարտում է առաքելությունը
Այսօր` ապրիլի 4-ին, ԱԳ նախարար Էդվարդ Նալբանդյանն ընդունել է Ռուսաստանի դեսպան Իվան Վոլինկինին՝ Հայաստանում դիվանագիտական առաքելության ավարտի կապակցությամբ:
Այս մասին հայտնում են ՀՀ արտաքին գործերի նախարարության մամուլի, տեղեկատվության և հասարակայնության հետ կապի վարչությունից։
Ըստ հաղորդագրության` նախարար Նալբանդյանը շնորհակալություն է հայտնել դեսպան Վոլինկինին արդյունավետ և ակտիվ աշխատանքի համար` նշելով, որ նրա պաշտոնավարման տարիներին հայ-ռուսաստանյան դաշնակցային, ռազմավարական փոխգործակցությունը բոլոր բնագավառներում էլ ավելի է ամրապնդվել:
«Դեսպան Վոլինկինը նշել է, թե հպարտ է, որ կարողացել է իր ներդրումն ունենալ հայ-ռուսաստանյան եղբայրական կապերի զարգացման գործում և շնորհակալություն է հայտնել պաշտոնավարման ժամանակ ՀՀ արտգործնախարարության հետ արդյունավետ համագործակցության համար»,- նշված է հաղորդագրության մեջ:
Հայ-ռուսաստանյան հարաբերությունների ամրապնդման գործում ունեցած նշանակալի ավանդի համար նախարար էդվարդ Նալբանդյանն դեսպան Իվան Վոլինկինին պարգևատրել է ԱԳՆ Պատվո մեդալով:
