Ապրիլյան պատերազմը ևս մեկ անգամ ապացուցեց, որ ազգի մեծամասնությունը վտանգի պահին կարողանում է ինքնակազմակերպվել
Ապրիլյան պատերազմը ևս մեկ անգամ ապացուցեց, որ ազգի մեծամասնությունը վտանգի պահին կարողանում է ինքնակազմակերպվել և ցուցաբերել իր լավագույն որակները:
Փառք ու պատիվ մեր 106 հերոսներին և ժողովրդին:
Բայց այդ պատերազմը ցույց տվեց նաև, որ մեր ռազմաքաղաքական ղեկավարության մեծամասնությունը համարժեք չէ ժամանակի պահանջներին ու ազգի լավագույն որակներին, և որ նրանց ապաշնորհության պատճառով եղան մեր զոհերն ու կորուստները: Նրանք ամբողջովին թաղված են կոռուպցիոն գործարքների մեջ և իրենց պաշտոնը դիտարկում են որպես և միմիայն հարստանալու միջոց, իսկ մենք հանդուրժում ենք այդ ամենը:
Ո՛րն է տարբերությունը շրջափակում իրականացնող թուրքերի, մեր զինվորներին սպանող ազերիների, բյուջեն թալանող պաշտոնյաների, ընտրությունները կեղծող տականքների միջև, եթե բոլոր դեպքերում էլ չքավորության եզրին հայտնվում է հայը, սեփական պետությունում անարժանապատիվ ապրում է հայը, երկրից արտագաղթում է հայը, ոչ միայն կրակոցից, այլ նաև բարոյահոգեբանական ծանր վիճակից ու աղքատությունից վաղաժամ մեռնում է հայը:
Գագիկ Ղահրամանյան. Ֆեյսբուք