на Русском
Ջաթին Շարման որոնվում է որպես անհետ կորած
Հենրի Քավիլն առաջին անգամ հայր կդառնա
Յուրաքանչյուր երկիր իր կառավարման արդյունավետությունից ելնելով՝ ընտրում է կառավարման համապատասխան մոդելը
«Կառավարության կառուցվածքի և գործունեության մասին» և կից ներկայացված օրենքների նախագծերի փաթեթի քննարկմանը ԱԺ նախագահի տեղակալ Էդուարդ Շարմազանովը հայտարարեց, թե «ունիվերսալ լուծումներ չկան»:
«Յուրաքանչյուր երկիր իր կառավարման արդյունավետությունից ելնելով՝ ընտրում է կառավարման համապատասխան մոդելը»,-ասաց նա:
Նա նշեց, որ եթե պառլամենտարիզմը չլիներ, ապա ընդդիմադիր գործընկերները չէին ունենա իրավունք հարցապնդում անել և վարչապետին կամ նախարարին հրավիրել ԱԺ:
«Այդ պատճառով, երբ խոսում եք, որ պառլամենտարիզմը լիարժեք չէ, կարծում եմ՝ այդ կարծիքները հիմնազուրկ են»,-ասաց նա՝ նկատի ունենալով «Ելք» խմբակցության պատգամավոր Էդմոն Մարուքյանի պնդումը, թե նման նախագծերով հաստատում են, թե որ կեղծ պառլամենտական երկրի կառուցվածք է ներկայացվում:
Անդրադառնալով սուպերվարչապետական համակարգ դարձնելու պնդումներին՝ Շարմազանովը կրկնեց, թե «ունիվերսալ» լուծումներ չկան:
«Բայց երբ ուժային կառույցները, մանավանդ ԱԱԾ-ն, ոստիկանությունը, վերահսկողական ծառայությունը դնում ենք ուղիղ վարչապետի ենթակայության տակ, բարձրացնում ենք այդ մարմինների քաղաքական պատասխանատվության մակարդակը, և այդ կառույցների քաղաքական պատասխանատուն դառնում է վարչապետը»,-հայտարարեց նա:
Շարմազանովը նշեց, որ հանձնաժողովներում էլ կարող են հյուրընկալվել այն պաշտոնյաները, ովքեր ի պաշտոնե իրավունք կունենան մասնակցելու:
