на Русском
«Լադանիվա» խմբի անդամներն այցելել են Ծիծեռնակ... 
Ես միշտ կկանգնեմ ձեր կողքին․ Ադամ Շիֆի տեսաու... 
Դպրոցի տնօրենը պարզաբանում է աղմկահարույց՝ «Ռուսաստան՝ իմ հայրենիք» խորագրով միջոցառումը (լուսանկարներ)
Հակոբ Օշականի անվան հ.172 հիմնական դպրոցում տեղի ունեցած «Ռուսաստան՝ իմ հայրենիք» միջոցառումը կուռն քննարկումների առիթ հանդիսացավ, որից հետո դպրոցի տնօրենը անդրադարձել է քննադատություններին: Նա մասնավորապես նշել է.
«Պարոն Հարությունյան, Խորհուրդ կտանք լավ նայել էջը և ավելորդ մեկնաբանություններ չանել: Հակոբ Օշականի անվան դպրոցում կազմակերպվել է «Աշխարհն իմ աչքերով» խորագրով միջոցառում, որի ներքո աշակերտները ներկայացրել են 14 երկրի` այդ թվում Վրաստանի, Ուկրաինայի, Միացյալ Թագավորության և այլ երկրների մշակույթը, սովորույթները, խոհանոցը, խոսել և երգել են այդ լեզուներով, բայց բնավ չի նշանակում, որ մենք և երեխաներն ուրանում ենք մեր հայրենիքն ու լեզուն:
Մենք Ձեզնից պակաս հայ և հայրենասեր չենք և հայեցի կրթություն ենք տալիս մեր սաներին: Բոլոր միջոցառումների սկզբում հնչում է ՀՀ օրհներգը, որը կատարում ենք մենք և մեր սաները: Յուրաքանչյուր միջոցառման ընթացքում փառաբանվում է մեր հայրենիքը, իսկ վերոնշյալ միջոցառումների ավարտը կազդարարի «Ձոն հայրենիքիս» ցերեկույթը:
Հակոբ Օշականի անվան դպրոցի տնօրենը, ուսուցիչներն ու աշակերտները ձեռքները սրտներին են դնում միայն ՀՀ օրհներգի ժամանակ: Իզուր ավելորդ ենթադրություններ մի’ արեք և ապատեղեկատվություն մի’ տարածեք: Մի’ քաղաքականացրեք դպրոցական պարզ միջոցառումը և մատաղ սերնդին ու մեզ Ձեր թիրախը մի դարձրեք»:
