Դատարանը կալանադրել Է Ջիգարխանյանի նախկին կնոջ մոսկովյան բնակարանը և 1 մլն ռուբլի
Մոսկվայի դատարանը անձնական կյանքի անձեռնմխելիության խախտման մասին քրեական գործի շրջանակներում բնակարան Է կալանադրել Մոսկվայում և դրամական հաշիվներ՝ 1 մլն ռուբլու չափով, որոնք պատկանում են ռեժիսոր և դերասան Արմեն Ջիգարխանյանի նախկին կնոջը՝ Վիտալինա Ցիմբալյուկ Ռոմանովսկայային: Այդ մասին տեղեկացնում Է ՏԱՍՍ-ը:
«Մայրաքաղաքի դատարանն անձնական կյանքի անձեռնմխելիության խախտման մասին քրեական գործի շրջանակներում կալանադրել Է իմ պաշտպանյալի՝ Մոսկովայի Մոլոդոգվարդեյսկայա փողոցում գտնվող բնակարանը: Բացի այդ, դատարանը կալանք Է դրել Լանտա-բանկում 1 մլն ռուբլու վրա, որը նույնպես պատկանում Է Վիտալինային»,-ասել Է փաստաբանը:
ՌԴ Հետաքննչական կոմիտեն Ցիմբալյուկ-Ռոմանովսկայային մեղադրանք Է առաջադրել ՌԴ Քրեական օրենսգրքի 137-րդ հոդվածով («Անձնական կյանքի անձեռնմխելիության խախտում») և նրանից ստորագրություն Է վերցրել չմեկնելու մասին: Հետաքննության վարկածով՝ արտիստի նախկին կինը հավաքել և մամուլում տեղեկատվություն Է տարածել Ջիգարխանյանի հետ անձնական ու ընտանեկան կյանքի մասին՝ առանց նրա համաձայնության: Ցիմբալյուկ-Ռոմանովսկայան ինքը ՏԱՍՍ-ի թղթակցի հետ զրույցում մերժել Է առաջադրված մեղադրանքները: