на Русском
4 օրում քարտեզ են հրապարակել՝ նշանակում է նախ... 
Վնասներ Երևանում՝ քամու հետևանքով
Առողջապահության նախարարությունը դեղատների առջև դեղատոմսեր գրել, վաճառելու դեպքերը բացահայտելուն ուղղված աշխատանքներ է կատարում
ՀՀ նախարարությունը հանձնարարական է տվել՝ բացահայտելու դեղատների առջև դեղատոմսեր գրելու և վաճառելու դեպքերը: «Արմենպրես»-ի հաղորդմամբ՝ լրագրողների հետ զրույցում այս մասին ասաց առողջապահության փոխնախարար Սերգեյ Խաչատրյանը:
«Ես տեղեկացել եմ այն մասին, որ նման երևույթ է տեղի ունենում: Դա ինձ համար շատ ցավալի է: Մենք առավոտից հանձնարարություն ենք տվել վեր հանելու այդ դեպքերը: Ուզում ենք հասկանալ, թե որտեղ են տեղի ունենում դրանք, և ովքեր են հեղինակները»,-ասաց փոխնախարարն ու հավելեց, որ հայտնաբերելու դեպքում համապատասխան ընթացք կտան հարցին:
Նման դեպքերի վերաբերյալ ահազանգեր այս պահի դրությամբ նախարարությունը չի ստացել:
Խաչատրյանի խոսքով՝ մի քանի աշխատակիցներ ողջ օրն աշխատում են՝ վերահսկելու և հստակ հասկանալու, թե համակարգում ինչ է տեղի ունենում, ինչ խնդիրներ են առաջանում: Սակայն կան խնդիրներ, որոնք լուծման անհրաժեշտություն ունեն: Եվ իրենք դրանց լուծում կտան օպերատիվ կերպով:
Ավելի վաղ տեղեկացրել էինք, որ մարտի 6-ի ՀՀ կառավարության նիստի ընթացքում վարչապետ Կարեն Կարապետյանը, դիմելով առողջապահության փոխնախարար Սամվել Մարգարյանին, հորդորել էր լինել ուշադիր:
«Տեղեկատվություն կա, որ արդեն դեղատոմսերը դեղատների առջև գրում, տալիս են և դրա համար լրացուցիչ վճար կա: Շատ ուշադիր եղեք, որպեսզի բուտաֆորիա չդառնա»,-ասել էր վարչապետը:
