Ադրբեջանում պղծել են ընդդիմադիր գործչի հոր գերեզմանը (տեսանյութ)
Հարևան Ադրբեջանում ընդդիմադիրների դեմ պայքարի նոր մեթոդ են հայտնաբերել: Իլհամ Ալիևի երդվյալ ֆանատները հիմա էլ սեփական կուռքին քննադատողներին չկարողանալով պատժել տեղում,քանի որ ադրբեջանցի ընդդիմադիրների մեծ մասը վաղուց հեռացել են Ադրբեջանից և պատսպարվել են հիմնականում եվրոպական երկրներում,որոշել են «պատերազմել» ոչ միայն նրանց դեմ՝հարազատներին, բարեկամներին և մտերիմներին հաճախակի բերման ենթարկելով,որի արդյունքում շատերը հրաժարվում են Իլհամ Ալիևին քննադատողներից,այլև արդեն սկսել են պղծել վերջիններիս հարազատների շիրիմները:
Բավական մեծ աղմուկ է բարձրացել ապշերոնյան սուլթանությունում այն բանից հետո,երբ օրեր առաջ համացանցում հայնվեց Ֆրանսիայում բնակվող ընդդիմադիր իրավապաշտպան Վիդադի Իսքենդերլիի հոր շիրիմի պղծման տեսանյութը,որում երկու երիտասարդներ միզում են Իսքենդերլիի հոր գերեզմանաքարի վրա,իսկ ինչ-որ մեկն էլ առաջարկում է հանել մահացածի ոսկորները և ուղարկել Ֆրանսիա: Այս ամենը «մեկնաբանողը» Իսքենդերլիին մեղադրում է սեփական հայրենիքը դավաճանելու,հայերի պատվերները կատարելու և այլ հակաազգային գործողությունների մեջ: Հատկանշականն այն է,որ բավական մեծ քանակությամբ ազերի օգտատերեր բացասաբար են վերաբերվել պղծարարների «հայրենասեր» գործողություններին: Սակայն այլ կարծիք ունեն Ալիևի աշխատակազմում: Մեկնաբանելով սկանդալային տեսանյութը Ադրբեջանում իշխող «Ենի Ազերբայջան» կուսակցության գործադիր քարտուղարի տեղակալ, Միլլի Մեջլիսի պատգամավոր Սիյավուշ Նովրուզովը բացահայտ արդարացրել է ստահակներին հայտարարելով,որ մի խումբ ռադիկալներ այդ մեթոդով են վրեժխնդիր եղել Վիդադի Իսքենդերլիից ադրբեջանցիներին վիրավորելու համար: Այսինքն,ըստ Նովրուզովի՝լա՛վ են արել: Շիրիմ պղծողներին արդարացնելով Նովրուզովը նաև բացահայտել է,թե այդ լակոտներն ում պատվերն են կատարել:
Սա դեռ սկիզբն է: Իլհամ-Մեհրիբան սրբացված տանդեմին քննադատողների բարեկամների և հարազատների գերեզմաններին շուտով ոչ միայն կմիզեն, այլև և ոսկորները դուրս կշպրտեն:
Զավեշտալին նրանում է,որ ազերի դիվանագետներն ամեն անկյունում բողոքում են,որ հայերը իբրև թե պղծում են իրենց նախնիների շիրիմները,որոնք գտնվում են Արցախում: «Պղծման» եղանակ էլ այն է,որ այդ լքված գերեզմանոցներում ոչխարներ և կովեր են արածում: Այսինքն,եթե Ադրբեջանում միզում են տեր ունեցող շիրիմների վրա,դա շատ նորմալ երևույթ է,իսկ հայերը պարզվում է պարտավոր են ինչ-որ թուրքի գերեզման խնամեն,որ Բաքվում չջղաձգվեն:
Գագիկ Համբարյան. Ֆեյսբուք: