16-րդ դարում նորմալ ընդունել են այս ուղղությունը, իսկ մենք 21-ում չենք «մարսում». Նազենի Հովհաննիսյանը՝ Կամիլի կերպարի մասին

Նազենի Հովհաննիսյանը ֆեյսբուքյան իր էջում գրել է.

«Անցյալ օրը լավ երկար շփվեցի Կամիլի հետ, պարզվեց ինչ՞.. մի հրաշք անձնավորություն:
Իսկ եթե լուրջ, Արսեն Գրիգորյանը հստակ տարբերակում է թատերական ուղղությունները, ԺԱՆՐԵՐԸ, և այս կերպարով տեղին ու գունավոր ծաղրում է այն ամենն ինչի մասին շատերը վախենում են խոսել առանց «դիմակի», Սա Կոմեդիա դել'արտե (իտալ.՝ Commedia dell'arte)- ի շատ վառ օրինակ է, 16- րդ դարում նորմալ ընդունել են այս ուղղությունը, իսկ մենք՝ 21- ում չենք «մարսում»։
Անծանոթների համար թողնեմ կարճ ինֆոն այստեղ, գուցե պետք գա։

Կոմեդիա դել'արտե- դիմակների կատակերգություն, իտալական ուշ միջնադարյան ժողովրդական թատրոն, բնույթով ստեղծաբանական (բանավոր-իմպրովիզացիոն) արվեստ, որի ակունքները վաղ միջնադարի առաջավոր ասիական և դասական միջնադարի եվրոպական ժողովրդական աշխարհիկ թատրոնի ընդերքում են. հիշատակվում է նաև որպես «la commedia a soggetto» (սցենարային թատրոն), «la commedia all 'improvviso» (իմպրովիզացիայի թատրոն) կամ «la commedia degli zanni» (կոմեդիա ձաննի)։

Թատրոնը գոյատևել է 16-րդ դարի կեսից մինչև 18-րդ դարի վերջը՝ զգալի ազդեցություն թողնելով արևմտաեվրոպական դրամատիկական թատրոնի հետագա զարգացման վրա։ Դիմակներով կատակերգություններ խաղացող թատերախմբերը առաջին պրոֆեսիոնալ թատերախմբերն էին Եվրոպայում, որտեղ դրվեցին դերասանական վարպետության հիմքերը (կոմեդիա դել'արտե կամ արհեստական թատրոն եզրը մատնանշում է թատերական խաղում դերասանների կատարելիությունը) և որտեղ առաջին անգամ ի հայտ եկան ռեժիսորական տարրեր (այս գործառույթը կատարում էր թատերախմբի առաջատար դերասանը, որը կոչվում էր կապոկոմիկո)։
«Tipi fissi» սկզբունքը, որտեղ նույն կերպարները (դիմակները) մասնակցում են տարբեր բովանդակություն ունեցող սցենարներում, այսօր լայնորեն օգտագործվում է կատակերգական հեռուստասերիալների ստեղծման մեջ, իսկ իմպրովիզացիայի արվեստը՝ «stand-up comedy»-ում

Կարևոր. Բավական է կյանքն ու բեմը նույնացնենք, ամեն ոք պետք է զբաղվի իր մասնագիտությամբ, գործով. դերասանի գործը բեմական վառ, կերպարային հրավառություն ստեղծելն է։ Իհարկե կերպարը կարող է դուր չգալ շատերին, բայց դա նույնքան սուբյեկտիվ է, որքան արևային կամ անձրևային եղանակի սիրել- չսիրելը))))
Այնպես որ Ժպտացեք ու անցեք առաջ) Արսենի լավ տրամադրությունն ու գունառատ շոուն գոնե դրան են տրամադրում)))) !!!
Խաղաղ կիրակի բոլորիս»: