Խոշոր ավտովթար Կոտայքի մարզում. բախվել են Jeep Grand Cherokee-ն և ВАЗ 21144-ը. վերջինը գլխիվայր շրջվել է (լուսանկաներ)
Այսօր՝ փետրվարի 22-ին, խոշոր ավտովթար է տեղի ունեցել Կոտայքի մարզում։ Ժամը 00։30-ի սահմաններում Երևան-Եղվարդ ավտոճանապարհի Զովունի գյուղի վարչական տարածքում՝ Զովունիի գյուղապետարանի դիմաց, բախվել են նույն գյուղի բնակիչ՝ 23-ամյա Արսեն Հովհաննիսյանի վարած Jeep Grand Cherokee մակնիշի 35 ԼQ 491 համարանիշի և Շիրակի մարզի Իսահակյան գյուղի բնակիչ՝ 29-ամյա Միշա Պետրոսյանի վարած ВАЗ 21144 մակնիշի 35 DX 004 համարանիշի ավտոմեքենաները։
Shamshyan.com-ի հաղորդմամբ, ըստ նախնական տեղեկությունների, բարեբախտաբար, զոհեր և վիրավորներ չկան։
Բախման հետևանքով ВАЗ 21144-ը գլխիվայր շրջվել է։
Մինչ դեպքի վայր կժամանեին ճանապարհային ոստիկանները, քաղաքացիները և վթարի հարևանությամբ գտնվող բենզալցակայանի աշխատակիցներն իրենք են պահպանել տարածքը, որպեսզի մեկ այլ վթար տեղի չունենա։
Փաստի առթիվ ՃՈ 2-րդ սպայական գումարտակի 3-րդ վաշտի հետաքննիչ Ավետիք Ավետիսյանի կողմից նյութեր են նախապատրաստվում։