15 տոննա գիրքը՝ մեկ կիլոգրամը 30 դրամով, մեծ «օգուտ» էր ՇՊՀ ռեկտորի համար (լուսանկարներ)

Այսօր գիրք նվիրելու օրն էր...

Փետրվարի 19-ը Հայաստանում հռչակված է «Գիրք նվիրելու օր»՝ ի հիշատակ 1869թ. այս օրը Լոռվա Դսեղ գյուղում ծնված մեծ գրող, բանաստեղծ, հասարակական գործիչ Հովհաննես Թումանյանի:Այսօր ընդունված է գիրք նվիրել ոչ միայն միմյանց, այլ նաև դպրոցներին,բուհերին,որբանոցներին, գրադարաններին և այլն։

Ակամայից հիշեցի Շիրակի պետհամալսարանի գրադարանի գրքերը,որոնց մեծ մասը ոչնչացվեց՝հանձնվեց մակուլատուրա 2017 թ-ի ապրիլի և օգոստոսի վերջին օրերին բուհի ռեկտոր Սահակ Մինասյանի կողմից:15 տոննա գիրք է մակուլատուրա հանձնվել Մինասյանի կողմից՝ կիլոգրամը 30 դրամով: Սեփական հանցագործությունը թաքցնելու նպատակով կրթական գործի Կոլումբոս ռեկտորը ինչ հնարքների ասես չգնաց:

Սկզբից հայտարարեց, որ գրքերը իբրև թե հիվանդ էին և փոշոտված, իսկ վերջում էլ փորձեց հանցագործությունը բարդել նախկին ռեկտորի վրա և միևնույն ժամանակ փորձելով մեղմացնել սեփական արարքի ծանրությունը կեղծ փաստաթուղթ էր ձեռք բերել, ըստ որի 6 տոննա գիրք հանձնել էր մակուլատուրա 2017 թ-ի սեպտեմբերի 29-ին՝ի մ կողմից հրապարակած աղբակույտի վերածաված գրադարանի գրքերի լուսանկարներից 4 օր անց:

Սակայն ոչ մի ապացույց չի ներկայացրել, որ այդ գրքերը եղել են հիվանդ: Չի ներկայացրել, քանի որ այդ գրքերը հիվանդ չեն եղել: Գրքատյաց ռեկտորը,ով ընդամենը 4 «հոդվածի» հեղինակ է չի հասկանում գրքի արժեքը:

Ողբերգությունը նրանում է, որ ՇՊՀ ռեկտորը գերադասեց գրադարանի գրքերի մեծ մասը հանձնել մակուլատուրա, բայց չտալ զինվորական մասերում գործող գրադարաններին, գյուղական գրադարաններին, որբանոցներին,դպրոցներին և այլն: Նա դրանից գումար չէր աշխատի: Իսկ այսպես,15 տոննան մեկ կիլոգրամը 30 դրամով մեծ «օգուտ» էր ռեկտորի համար:

Հ.Գ.Զարմանում են,թե փոշոտված գրքերից զզվող և վանող ՇՊՀ ռեկտորը և իր յուրայիններից ոմանք ինչպե՞ս են ապրում փոշու մեջ թաղված Գյումրի քաղաքում: