Ողբամ քեզ հայ ժողովուրդ. Մերկ ֆոտոշարքերով հայտնի մոդելը քաղաքական «վերլուծություն» է անում
Ինչպես արդեն գիտենք, այսօր Երևանի ավագանու նիստի ժամանակ ծեծկռտուք տեղի ունեցավ ՀՀԿ-ականների և «Երկիր Ծիրանի» կուսակցության անդամների միջև: Ինչպես և սպասվում էր միջադեպը բուռն քննարկումների առարկա դարձավ ինչպես քաղաքական հարթակում, այնպես էլ սոցցանցերում: Միջադեպին անդրադարձել է նաև մոդել Անիտա Հարությունյանը, ով իր Ֆեյսբուքյան էջում գրել է.
«Ես պարզապես ցավ եմ ապրում, որ մեր երկրում կան բազմաթիվ սոցիալական խնդիրներ, չնայած լիահույս եմ, որ այդ խնդիրները լուծում կստանան ու մենք կապրենք ավելի բարեկարգ և հարուստ պետությունում, չեն լինի այնպիսի խնդիրներ, ինչպիսիք փորձում են ընդդիմադիր կին ավագանիները նիստի ժամանակ բարձրացնել, բայց մինչ այդ պետք է նկատեմ, որ կրկնակի ցավալի և ամոթալի է, որ մեր երկրում կան այնպիսի քաղաքական գործիչներ, ինչպիսիք տեսա տարածված տեսանյութում, զարմանալի է, թե ինչպես կարող է մեր մայրաքաղաքի ղեկավարի խորհրդականը լինի Գոռ Վարդանյանը ու ինչքան բարձր ինքնավստահություն պետք է նա ունենա, որ ձեռք բարձրացնի կնոջ վրա: Ինքս կին լինելով ամաչում եմ, որ Գոռ Վարդանյանը բազմել է քաղաքապետարանում և ուժ է կիրառում իմ տեսակի վրա: Հայուհինե՛ր, Ձեզ միայն պետք է պաշտեն»:
Ո՞ւր ենք հասել, որ անգամ տեսախցիկի առաջ ամբողջությամբ մերկացող մոդելը, որ միայն մերկանալու քաղաքականությանն է տիրապետում, սկսել է քաղաքական «վերլուծություն» անել և քննադատել Գոռ Վարդանյանին, ով հայ կինոմատոգրաֆիայի զարգացման հարցում մեծ ավանդ ունի և ում մարտաֆիլմերը հայ կինոարտադրությունը դուրս բերեցին համաշխարհային շուկա:
Նկատենք, որ Գոռ Վարդանյանի ունեցած միջամտությունը միջադեպին սահմանափակվել է անյքանով, որ նա «Երկիր Ծիրանիի» կին անդամին դուրս է բերել նիստերի դահլիճից, առանց բռնության դրսևորումների` լարված իրավիճակը մեղմելու համար: