Իլհամ Ալիևի շռայլ նվերները մոբիլիզացիայի և զորակոչի պետական ծառայությանը
Այսօր Իլհամ Ալիևը պարգևատրել է մոբիլիզացիայի և զորակոչի պետական ծառայության պետ Արզու Ռահիմովին «Հայրենիքին մատուցած ծառայության» շքանշանով: Նույն ծառայության մեկ այլ աշխատակից՝ Մայիլ Շահվերդիևը, պարգևատրվել է գեներալ-մայորի զինվորական կոչումով, վերջինս այդ ծառայության պետի տեղակալն է:
Իզուր չէ, որ նման պարգևների արժանացան հենց այս ծառայության աշխատակիցները զորակոչի ավարտից հետո: Ըստ երևույթին ծառայության պետը և նրա տեղակալը իդեալական կատարել են Իլհամ Ալիևի հրամանները, որն է՝ ամեն գնով բանակ զորակոչել բոլոր երիտասարդներին:
Անցած տարի, երբ Շահվերդիևը նշանակվեց ծառայության պետի տեղակալ, տեսանյութ տարածվեց համացանցում, թե ինչպես են ոստիակական զորքերը տներից ու փողոցներից բերման ենթարկում երիտասարդների ու առանց հարազատներին տեղյակ պահելու միանգամից ոստիկանական մեքենաներով տեղափոխում էին զորամասեր:
Այդ բախումների արդյունքում տուժել էին շատ երիտասարդների ծնողներ, այդ թվում նաև մայրերը և տատիկները, որոնք փորձել էին իրենց տղաներին փրկել գազազած ոստիկանների ձեռքից: Երևի այս տարի մեթոդները ավելի խիստ են եղել, այնքան խիստ որ ծառայության պետը շքանշան ստացավ, իսկ նրա տեղակալը գեներալի կոչում:
Աշոտ Ասատրյան. Ֆեյսբուք