Մալաթիա-Սեբաստիայում գծանշումները հարմարեցված են Սամվել Ալեքսանյանի բիզնես շահերին
«Հայկական ժամանակ» թերթը գրում է. «Փետրվարի 7-ին Ազգային Ժողովում քննարկվում էր «Ճանապարհային նշանների ու ազդանշանների մասին կոնվենցիան վավերացնելու մասին» օրենքի նախագիծը: «Ծառուկյան» խմբակցության պատգամավոր Նաիրա Զոհրաբյանը նախագիծը ներկայացնող պաշտոնյային հարց ուղղելուց առաջ, որ ստացել է նամակներ, ահազանգեր, որ այնտեղ, որտեղ պետք է կատարվի շրջանցում, նշանը դնելուց հաշվի է առնվում, թե տվյալ տեղում իշխող ուժի ներկայացուցիչներն ունե՞ն բենզալցակայաններ, խանութներ, թե՞ ոչ, ու այդ նպատակահարմարությունից ելնելով է դրվում նշանը, որպեսզի շրջանցեն ու կանգնեն ուղիղ կլանի ներկայացուցիչների օբյեկտների մոտ:
«Հայկական ժամանակ»-ը այս ահազանգից հետո փոքրիկ ուսումնասիրություն է իրականացրել Երևանի երկու վարչական շրաջանում՝ Մալաթիա-Սեբաստիայում և Շենգավիթում:
Մալաթիա-Սեբաստիա վարչական շրջանում գտնվողն Բաբաջանյանի և Անդրանիկի փողոցների խաչմերուկից դեպի «Կայզեր» սուերմարկետ բարձրացող ճանապարհին ականատես եղանք նման խնդրի: Խաչմերուկից մուտք գործելով Անդրանիկի փողոց և մոտ 100 մետր առաջանալուց հետո հանդիպեցինք զուգահեռ երկու հոծ գծանշման կտրման: Այսինքն՝ գծանշումը կտրած է և իրավունք է տրվում այդ հատվածից մեքենայով հատել գծանշումները:
Առաջացած անցումով մեքենաները կարողանում են մուտք գործել ճանապարհի եզրին գտնվողն հացի փռի դիմացի ավտոկայանատեղի: Որոշ տեղեկություններով, այդ փուռը պատկանում է ԱԺ ՀՀԿ խմբակցության պատգամավոր Սամվել Ալեքսանյանի մերձավորներին:
Բացի այդ, Բագրատունյաց փողոտայում գտնվողն «Երևան Սիթիի» համար հոծ գիծն, իհարկե, կտրտվել է: Երևանյան լճից առաջանալով դեպի Բագրատունյաց պողոտա-Արտաշեսյան փողոցի խաչմերուկի՝ լուսացույցից 150 մետր առաջ ՃՈ-ն հնարավորություն է ընձեռել բոլոր վարորդներին միանգամից շրջադարձ կատարել և հայտնվել ուղիղ Սիթիի մոտ»:
Առավել մանրամասն՝ թերթի այսօրվա համարում