Իրականում բանտից չեմ փախել, փախել եմ Թուրքիայից, որը շատ թե քիչ նույն բանն է, որովհետև Թուրքիան հիմա դարձել է «մեգա-բանտ»․ Սևան Նիշանյան
Թուրքիայի բանտից փախուստի դիմած և Հունաստանում ապաստան ստացած ստամբուլահայ հայտնի լեզվաբան, հրապարակախոս Սևան Նիշանյանի խոսքով՝ ինքը իրականում բանտից չի փախել, փախել է Թուրքիայից, որը շատ թե քիչ նույն բանն է, որովհետև հիմա Թուրքիան դարձել է «մեգա-բանտ»:
Նա Tert.am-ի հետ զրույցում պատմեց՝ հիմա հունական մի հին գյուղում գնելով ավերված տներ՝ հույս ունի դրանք վերածել ամառային ակադեմիայի՝ Թուրքիայի և աշխարհի այլ հատվածներից այնտեղ այցելողների համար:
-Պարո՛ն Նիշանյան, Դուք արդեն յոթ ամիս է ազատության մեջ եք: Հետաքրքիր է՝ ինչպե՞ս եք: Ինչո՞վ եք հիմա զբաղված:
- Ես ապրում եմ Սամոսում՝ Էգեյան ծովի մի գեղեցիկ կղզում: Միշտ էլ երազել եմ այս տարիքում այս կղզում տուն ձեռք բերելու մասին և շատ շնորհակալ եմ, որ հանգամանքները բերեցին ինձ այստեղ՝ անգամ չնախատեսված ճանապարհով: Հիմա մի հին գյուղում գնել եմ մի քանի տուն՝ հույս ունենալով դրանք վերածել ամառային ակադեմիայի՝ Թուրքիայից և աշխարհի այլ հատվածներից այստեղ այցելողների համար:
- Բանտից փախչելուց հետո Դուք ասել էիք, որ երբ ժամանակը գա՝ կպատմեք մանրամասներ, թե ինչպես փախաք: Գուցե հիմա՞ է ժամանակը:
-Ես իրականում բանտից չեմ փախել: Ես փախել եմ Թուրքիայից, որը շատ թե քիչ նույն բանն է, որովհետև հիմա Թուրքիան դարձել է «մեգա-բանտ»: Անասելի թվով մարդիկ համառ պայքար են տանում այդ ամենից փախչելու համար, քանի դեռ չեն ընկել բռնապետության ճիրանները, կամ էլ քանի երկիրը չի մխրճվել խորը քաոսի մեջ:
Ես դուրս պրծա՝ ռիսկի ենթարկելով ինձ, ինչպես նաև ընկերներիս, որոնք անձնական զոհողությունների էին դիմել՝ օգնելու ինձ կտրել ծովը: Չափից շատ մանրամասներ հայտնելը կարող է նրանց անհարկի անհարմարություն պատճառել:
Մանրամասները՝ այստեղ: