на Русском
«Տիմոշա» ՍՊԸ արտադրության հալվաներում հայտնաբ... 
Տեղի է ունենում ՀՀ ԱԺ արտահերթ նիստ․ Ուղիղ
ԱԺ լսումներն իբր թանկացումները մեղմելու մասին էին, սակայն դարձան ծիծաղելի միջոցառում. Էդմոն Մարուքյան
«Ելք» խմբակցության հավաք-երթին պատգամավոր Էդմոն Մարուքյանն իր ելույթում անդրադարձել է նաև ԱԺ-ում հարց ու պատասխանին, որտեղ վարչապետը նշել էր, որ հարևան երկրներում ավելի շատ են թանկացումները, և նշեց, որ սուտ տեղեկություններ են տարածում:
«Ասում են՝ բենզինը թանկացել է, գազով, երթևեկեք, գազը թանկացել է, ոտքով երթևեկեք. հումորային բան է առաջացել, որ ասում են՝ կոշիկն էլ է թանկացել, ոտքով գնալն էլ է դժվարանում: Այս ամենը խոսում է այն մասին, որ մենք ունենք ոչ ադեկվատ, քաղաքացու իրական կյանքից կտրված իշխանություններ, և այդ իշխանություններին քաղաքացիները պետք է իրենց համախմբվածությամբ, այս մոբիլիզացիայի, պրոցեսների արդյունքում ցույց տան իրենց տեղը»,-ասաց նա և նշեց, որ «Ելք» դաշինքը պատրաստել է Հարկային օրենսգրքի փոփոխությունների նախագիծ:
Իր ելույթում նա հիշեցրել է, որ հունվարի 19-ի երթից հետո իշխանությունները հրավիրեցին լսումներ: «Լսումները իբր թե թանկացումները մեղմելու մասին էին, սակայն իրականության մեջ դրանք դարձան ձեռառնելիք, ծիծաղելի մի միջոցառում, որի ժամանակ հայտարարվեց, որ գիտնականները պարզել են, որ կարագն ավելի օգտակար է, քան ձեթը, դրա համար էլ կարագը թանկացել է»,-նշել է նա:
