Բժիշկները տղայի ոտքը հակառակ են տեղադրել, թույլ տալով նրան հասնել իր երազանքին (լուսանկարներ, տեսանյութ)

Հանուն քաղցկեղով հիվանդ Տրիստինա Ստյուարդի՝ «կրկին ֆուտբոլ խաղալու» երազանքի, Հյուսիսային Իռլանդիայում բժիշկները գնացել են ռիսկային գործողության, որը մինչ այդ, երկրում ոչ ոք չի արել: Այս մասին հաղորդում է The Sun-ը:

Ֆուտբոլի և սպորտային խաղերի սիրահար Տրիստինան ընդամենը 12 տարեկան էր, երբ սկսեց ծնողներին բողոքել իր ոտքի մշտական ցավերի մասին: Բժիշկները չէին կարողանում հասկանալ, թե ինչն է այդ ցավերի պատճառը, մինչև 2016 թ. վերջը տղայի մոտ հայտնաբերվեց ուռուցք աջ ոտքի մկանների վրա:

Միայն 2017 թ-ի փետրվարին վիրահատութհունից հետո բժիշկները հայտնաբերեցին, որ ուռուցքը քաղցկեղ է եղել: 

Բժիշկները հաշվի են առել տղայի սերը սպորտի հանդեպ և հասկացել են, որ նույնիսկ եթե քաղցկեղը չի վերցնում նրա կյանքը, ապա առանց ֆուտբոլի տղայի  կյանքը դատարկ ու անիմաստ կլինի: Այնուհետև նրանք համարձակեցին և ընտանիքին առաջարկեցին ամպուտացիայի այլընտրանք` ռոտացիոն պլաստիկ: Սա նշանակում է, որ իր ոտքը պտտվում է 180 աստիճանով: Այսինքն նրա ոտքը հակառակ պետք է տեղադրեն:

Բարեբախտաբար ի հպարտություն ամբողջ ընտանիքի և Հյուսիսային Իռլանդիայի լավագույն վիրաբույժների, ամեն ինչ անցավ պլանավորածի համաձայն: Տրիստիանայի մայրը խոստովանել է, որ արդեն սովոր են դարձել տղայի ոտքին:

«2018 թ. հունվարին նա սովորեց քայլել առանց հենարանի: Տղայի նպատակն է սովորել վազել»,- ասել է մայրը: