Իրազեկում՝ վարորդների և հետիոտների համար
Վարչական իրավախախտումների վերաբերյալ Հայաuտանի Հանրապետության օրենքում տեղ գտած այն դրույթները, որոնք Ձեզ կօգնեն խուսափել տուգանքներից:
131/1 Հետիոտների և ճանապարհային երթևեկության մյուս մասնակիցների կողմից (բացառությամբ տրանսպորտային միջոցների վարորդների) ճանապարհային երթևեկության կանոնները խախտելը, ճանապարհային երթևեկության կարգավորման ազդանշաններին չենթարկվելը, ճանապարհային նշանների կամ ճանապարհային գծանշումների պահանջները խախտելը - 3 000 դրամ:
131/2 Հետիոտների կողմից ճանապարհով (այդ թվում` մայթերով կամ հետիոտնային արահետներով, իսկ դրանց բացակայության դեպքում` կողնակներով) շարժվելու կարգը խախտելը - 5 000 դրամ:
131/3 Հետիոտների կողմից ճանապարհի երթևեկելի մասը հատելու կարգը խախտելը - 5 000 դրամ:
131/4 Տրանսպորտային միջոցի ուղևորի կողմից ընթացքի ժամանակ տրանսպորտային միջոցի դռները բացելը կամ կանգնած տրանսպորտային միջոցի դռները բացելը, եթե դա խոչընդոտում է երթևեկության մյուս մասնակիցներին, ինչպես նաև ուղևորների կողմից տրանսպորտային միջոցից իրեր և առարկաներ նետելը - 5 000 դրամ:
131/5 Մոպեդները, հեծանիվները կամ լծասայլերը վարելու կանոնները խախտելը - 5 000 դրամ:
131/6 Սույն հոդվածի առաջինից հինգերորդ մասերով նախատեսված արարքներ կատարելը, որոնք ստեղծել են վթարային իրադրություն -10 000 դրամ:
131/7 Ճանապարհներով անասուններ քշելու կանոնները խախտելը - 20 000 դրամ: