Կայծակի հետևանքով տղամարդու մարմնին «դաջվածք» է առաջացել
Ոմն Ուիսթոն Քեմփի հարվածել է կայծակը, որի հետևանքով վերջինիս մարմնի վրա առաջացել են անբացատրելի հետքեր: Նա անհրաժեշտ չի համարել գնալ բժշկի, քանի որ առողջական վիճակի անգամ մի թեթև վատացում չի նկատել: Ինքը` Ոիսթոնը խոստովանել է, որ հպարտանում է իր դաջվածքով, քանի որ այն յուրօրինակ է և անբացատրելի:
«Լիխտենբերգի պատկերներ»` այսպիսի անվանում են ստացել բարձր լարման հետևանքով առաջացած հետքերը: Կայծակի հարվածի հետևանքով մարդու մարմնի վրա հետքեր կարող են առաջանալ մի քանի ժամից մինչև մի քանի ամիս ընկած ժամանակահատվածում: Բժիշկները ենթադրում են, որ նման պատկերների առաջացման պատճառը մաշկի տակ «դեֆորմացած» արյունատար անոթներն են: