«Ճըվճըվ Արոյի» կրտսեր որդու՝ Սերժի քրեական անցյալը
«Ճըվճըվ Արոյի» որդիները վերջին օրերին կրկին հայտնվեցին հասարակության ու լրատվամիջոցների ուշադրության կենտրոնում: Եթե նախորդ դեպքելում Վարդանյան եղբայրների կողմից իրականացված երթևեկության կանոնների խախտումները կյանքեր չէին խլել, ապա այս անգամ ամեն ինչ ողբերգական ավարտ ունեցավ՝ խլելով 2 ոստիկանի կյանք:
Operativ.am-ը դատական տեղեկատվական համակարգից տեղեկանում է, որ Վարդանյան եղբայները բազմաթիվ անգամ են Ճանապարհային երթևեկության կանոնները խատել:
Արդեն իսկ ներկայացրել էինք Սարգիս Վարդանյանի քրեական պատմություններով հարուստ անցյալը, իսկ Սերժը վերջին անգամ դատարանում է հայտնվել 2016 թվականի մարտին: Նրան մեղադրանք է առաջադրվել 185 հոդվածի 2-րդ մասով և 395 հոդվածով:
Մեղադրական եզրակացության մեջ ասվում է. Սերժ Վարդանյանին մեղադրանք է առաջադրվել այն բանի համար, որ նա 23.03.2016թ. ժամը` 15:00-ին վարելով մակնիշի ավտոմեքենանան և խախտելով ճանապարհային երթևեկության կանոնները` չի ենթարկվել ՀՀ ՃՈ 1-ին գումարտակի 4-րդ դասակի տեսուչ Գևորգ Սարգսյանի օրինական պահանջին` «կանգ» հրահանգին և դիմել փախուստի` ստեղծելով վթարային իրավիճակ:
Ավելի վաղ, Սերժ Վարդանյանին մեղադրանք է առաջադրվել այն բանի համար, որ նա Ռոբերտ Հայրապետյանի հետ «Լադա Պրիորա» մակնիշի ավտոմեքենայով Երևան քաղաքի Սարյան փողոցով երթևեկելու ընթացքում դիտավորությամբ կոպիտ կերպով խախտել են հասարակական կարգը որն արտահայտվել է հասարակության նկատմամբ բացահայտ անհարգալից վերաբերմունքով, այդ թվում Շանթ Մարգարյանի նկատմամբ բռնություն գործադրելով:
Հիշեցնենք, որ Սարգիս Վարդանյանի և Սերժ Վարդանյանի անունները կապվում են նաև «Լիա» գեղեցկության սրահում տեղի ունեցած դեպքի հետ, սակայն նրանք գործի ավարտին գործում ներգրավված էին ոչ թե որպես մեղադրյալ, այլ որպես վկա:
Սերժը հետախուզման մեջ էր կողոպուտի և խուլիգանության մեղադրանքով և երեկ ձերբակալվել է իրավապահների կողմից: