Մենք իրավունք չունենք մեզ նման «ճոխություն» թույլ տալու, որ օրը ցերեկով քաղաքի կենտրոնում սպա սպանվի
Այնպես ստացվեց, որ նույն օրվա ընթացքում Հայաստանում ծառայություն իրականացնող երկու անձ մահացավ՝ մեկը սահմանին, մյուսը՝ մայրաքաղաքում:
Նման դեպքերի պատճառով եմ միշտ մտածել, որ բանակում իդեալական կարգ ու կանոն կհաստատվի միայն այն ժամանակ, երբ մարդիկ կարգ ու կանոնով երեխաներ դաստիարակեն, երբ քաղաքացիական կյանքը սկսի կարգ ու կանոնով առաջ գնալ:
Թշնամիներով շրջապատված լինելու հետևանքով մեր ամեն քաղաքացու կյանքը շատ թանկ է ու մենք իրավունք չունենք մեզ նման «ճոխություն» թույլ տալու, որ օրը ցերեկով քաղաքի կենտրոնում սպա սպանվի:
Հիմա, բոլոր այն ոստիկանները, ովքեր ժամանակին ինչ-ինչ հանգամանքներով աչք են փակել անօրինականությունների վրա, թող գնան ու նայեն իրենց գործընկերոջ ընտանիքի անդամների աչքերին:
Մեր թշնամին սահմանից այն կողմ է, նրա դիմաց կանգնած են մեր տղերքը, մենք պետք է ամուր պահենք տղերքի թիկունքը:
Աշոտ Ասատրյան. Ֆեյսբուք