Տոներին Երևանում 100-ից ավելի երեխա է ծնվել
Դեկտեմբերի 31-ից մինչև այսօր Երևանի ծննդատներում ծնվել է ավելի քան 100 երեխա:
Մոր և մանկան առողջության պահպանման կենտրոնում դեկտեմբերի 31-ին ծնվել է 5 երեխա, հունվարի 1-ին՝ 10, հունվարի 2-ին՝ 8: Իսկ այսօր՝ հունվարի 3-ին, ժամը 17:00-ի դրությամբ ծննդատանն արդեն 5 ծնունդ է եղել: Տոների ընթացքում ծնված երեխաներից 20-ը տղաներ են:
«Գրիգոր Լուսավորիչ» ԲԿ-ում դեկտեմբերի 31-ի լույս հունվարի 1-ի գիշերը ծնվել է մեկ տղա և 2 աղջիկ, իսկ մինչև այսօր՝ 11 երեխա:
«Էրեբունի» ԲԿ-ում դեկտեմբերի 31-ի լույս հունվարի 1-ի գիշերը ծնվել է 3 տղա և մեկ աղջիկ, հունվարի 1-ին՝ 4 աղջիկ, 4 տղա: Եվս 3 աղջիկ և 5 տղա ծնվել են հունվարի 2-ին: Այսօր, վերջին տեղեկություններով, ծննդատանն արդեն 3 երեխա է ծնվել:
«Գրիգոր Նարեկացի» ծննդատանը դեկտեմբերի 31-ին ծնունդ չի եղել, փոխարենը՝ հունվարի 1-ին ծնվել է 4 աղջիկ և 1 տղա:
Պերինատոլոգիայի, մանկաբարձության և գինեկոլոգիայի ինստիտուտում դեկտեմբերի 31-ի լույս հունվարի 1-ի գիշերը ծնվել է 3 տղա և 2 աղջիկ:
«Աստղիկ» ԲԿ-ում դեկտեմբերի 31-ին ծնվել է 3 երեխա, հունվարի 1-ին՝ 5:
«Շենգավիթ» ԲԿ-ում դեկտեմբերի 31-ին ծնվել է 3 աղջիկ, հունվարի 1-ին՝ 1 տղա, 4 աղջիկ, իսկ հունվարի 2-ին՝ 4 աղջիկ:
«Բեգլարյան» ԲԿ-ում դեկտեմբերի 31-ին ծնունդ չի եղել, հունվարի 1-ին 1 երեխա է ծնվել, հունվարի 2-ին՝ 4:
«Քանաքեռ-Զեյթուն» ծննդատանը հունվարի 1-ին 3 երեխա է ծնվել, այլ տվյալներ առայժմ չկան:
«Սլավմեդ» ԲԿ-ում մեկ աղջիկ է ծնվել նոր տարին սկսվելուց կես ժամ անց: Ծննդատանն ընդամենը դեկտեմբերի 31-ից մինչև այսօր ծնվել է 10 երեխա՝ 7 աղջիկ, 3 տղա: