ՀՀ-ում տնային տնտեսություններից 35%-ից ավելին մասնակցել է միգրացիոն գործընթացի. Ռուբեն Եգանյան
2017թ. կեսերի դրությամբ արտերկրում կա մոտ 200 հազար հայ, որոնք այնտեղ են մեկնել կամ մշտական բնակություն հաստատելու, կամ աշխատելու համար: Այս մասին այսօր՝ դեկտեմբերի 29-ին, լրագրողների հետ հանդիպմանն ասաց ժողովրդագիր Ռուբեն Եգանյանը:
«Մեր հետազոտության տվյալներով, վերջին 3-4 տարիներին տնային տնտեսություններից 35 տոկոսից ավելին մասնակցել է միգրացիոն գործընթացներին: Բնակչության 12 տոկոսը վերջին 3-4 տարիներին մասնակցել է միգրացիոն գործընթացներին: Եթե 2016թ.-ին Հայաստանից մեկնել էր 37 հազար 500 մարդ, այս տարվա տվյալներով, ավելի քան 40 հազար մարդ է մեկնել»,- ասաց Ռուբեն Եգանյանը: