Այս տարվա աշխարհի ամենագեղեցիկ տոնածառերը (լուսանկարներ)
Ներկայացնում ենք նորաձևության պատկերասրահների, հյուրանոցների և ռեստորանների այս տարվա ամենագեղեցիկ տոնածառերը՝ ըստ «Forbes»-ի:
«Vittorio Emanuele II», Միլան
Միլանի պատկերասրահի դիզայնով զբաղվել է զարդերի «Swarovski» ավստրիական ընկերությունը: «Vittorio Emanuele II»-ի հետ իր համագործակցությունն ընկերությունը սկսել է 2013 թվականից:
Այս տարի պատկերասրահի կենտրոնական հրապարակը զարդարել է 20 մետր երկարությամբ եղևնին, որի վրա նկարիչները կախել են ավելի քան 10 000 զարդարանքներ, որոնցից 1000-ը «Swarovski» ընկերության բյուրեղյա աստղերն են և շուրջ 36 000 լույս:
«Harrods», Լոնդոն
Լոնդոնյան «Harrods»-ում եղևնու գործով զբաղվել է «Dolce & Gabbana» բրենդը: Առաջին հերթին, նրանք խանութում ավանդական իտալական շուկա են բացել, պատուհանները և ողջ սրահը զարդարել, իսկ մուտքի առջև բարձր եղևնի դրել: Խանութի բոլոր հաճախորդներին դիմավորում են Դոմենիկո Դոլչեի և Ստեֆանո Գաբբանայի տիկնիկները: Տոնածառը Լա Սկալա օպերայի թատրոնում է:
«Claridge’s», Լոնդոն
«Harrods»-ի հարևանությամբ «Claridge’s» հյուրանոցում տոնական եղևնին զարդարել է Կառլ Լագերֆելդը: Դեռևս նոյեմբերի վերջին եղևնին կախել էին առաստաղից՝ հակառակ ուղղությամբ: Տոնածառի գագաթը դիպչում է հյուրանոցի մորթյա գորգին:
«The Connaught Hotel», Լոնդոն
Այս հյուրանոցի մուտքի առջև տեղադրված տոնածառի դիզայնի համար պատասխանատու է երիտասարդ բրիտանացի նկարիչ Թրեյսի Էմինը: Ոչ մի գնդիկ կամ կոնֆետ: Տոնածառի վրա նեոնե բառեր են տեղադրված:
Այս եղևնին Թրեյսի Էմինը նվիրել է իր մոր հիշատակին, ինչպես նաև բոլոր նրանց, ում կարիքն ամենաշատն ունենք և նրանք մեզ հետ չեն, երբ նստում ենք ամանորյա սեղանի շուրջ:
«The Shard London» ռեստորան, Լոնդոն
Բրիտանացի նկարիչ Լի Բրումն է պատասխանատու «The Shard London» ռեստորանի տոնածառի համար: Բրումի տոնածառը բարակ ապակու 245 լուսադիոդային լույսերով ձգված բուրգ է:
Տոնածառի կրկնօրինակը հնարավոր է ձեռք բերել նկարչի leebroom.com կայքում: Վաճառքից ստացված բոլոր միջոցները կուղարկվեն բրիտանական Կարմիր խաչ:
«The New York EDITION hotel», Նյու Յորք
Նյու Յորքի այս հյուրանոցում տոնածառը զարդարել է նկարիչ Միշա Կաննը: Այն զարդարված է սպիտալ լուսատուներով և թղթե կեղծ մոմերով: Ավանդական արծաթե աստղի փոխարեն տոնածառի գագաթը զարդարում է դեղձի գույնի հաստ փումփուլիկը: