10 գաղափար՝ տոնական օրերը ոչ այնպես, ինչպես միշտ անցկացնելու համար (լուսանկարներ)
Նոր տարին դիմավորելն աղցաններով, մանդարիններով և տոնածառով շատ լավ է և հիշեցնում է մանկությունը, սակայն մի՞թե չի ձանձրացրել նույնօրինակությունը: Ներկայացնում ենք Ամանորը դիմավորելու յուրօրինակ մեթոդներ:
1. Պատրաստել արտասովոր ամանորյա սեղան
Եթե դուք չեք կարող հրաժարվել տնային խնջույքներից, գոնե այն յուրահատուկ դարձրեք՝ հյուրասիրելով այնպիսի ուտեստներ, որոնք երբեք չեք փորձել: Թող ձեր սեղանին չլինի ոչ մի ծանոթ ուտեստ կամ խմիչք: Փորձեք այլ երկրների խոհանոցը, բաղադրատոմսեր հավաքեք և ինքներդ կոկտեյլներ պատրաստեք՝ ալկոհոլային կամ ոչ:
2. Տոնը նշեք այլ երկրի ավանդույթներով
Սա Նոր տարին բարեկամների և ընկերների հետ նշելու ևս մեկ մեթոդ է, սակայն այն յուրօրինակ է և հիշվող: Զարդարեք տունը այլ երկրի ոճով, օրինակ՝ ճապոնական կամ չինական լույսերով և մաղթանքների լուսանկարներով:
Իրար նվիրեք հատուկ նվերներ, ինչպիսին են օրինակ ձեռակերտ մոմերը Շվեդիայում, կամ մեկ զույգ բաժակները Չինաստանում:
Հետաքրքիր կլինի հետևելն այլ երկրի ավանդույթներին:
3. Նոր տարին դիմավորեք բնության գրկում
Արժե գոնե մեկ անգամ Ամանորը և տոնական օրերն անցկացնել անտառում կամ սառած գետի ափին: Ապահովված է անհավատալի լռությունը, ճայթռուկների անվտանգ արձակումը և հարբած հարևանների կամ ճչացող հեռուստացույցի պես նյարդայնացնող երևույթների բացակայությունը:
Գտեք հարմար անտառ, որտեղ կկարողանա հասնել ձեր մեքենան՝ չմնալով կես ճանապարհին, գնեք ձմեռային վրան վառարանով, համոզեք բարեկամներին և լրջորեն պատրաստվեք՝ տոնական օրերը վայրի պայմաններում անցկացնելու համար:
4. Ընտրեք ձեր քաղաքի անսովոր մի վայր
Այգի, տանիք, որտեղից գեղեցիկ տեսարան կբացվի, լքված շինություն և շատ այլ տարբերակներ կան. ձեր քաղաքում հարյուրավոր նման տեղեր կգտնեք: Իսկ Նոր տարուն շամպայնով, ճայթռուկներով և տոնական մթնոլորտով ցանկացած վայր էլ ավելի զարմանահրաշ է դառնում:
5. Տարին սկսեք բարի գործերով
Եթե դուք հեռու չեք բարեգործությունից, փորձեք Նոր տարին դիմավորել՝ օգնելով նրանց, ովքեր ունեն դրա կարիքը: Կարելի է կազմակերպել ամանորյա ներկայացումներ հիվանդանոցներում և մանկատներում, նվերներ տալ և այլն:
Օգնելով այլ մարդկանց՝ դուք ավելի երջանիկ եք դառնում, իսկ բարի գործերը և վստահությունը սեփական ճշմարտացիության մեջ տարվա հրաշալի մեկնարկ են:
6. Ակտիվ տարբերակ
Ակտիվ Նոր տարվա բազմաթիվ տարբերակներ կան` անտառում կամ մշակված ճանապարհներին դահուկ քշել, գնալ սահադաշտ, որտեղ կլինի հրավառություն և երաժշտություն, ձմեռային ուղևորութուն:
Այսպես փքված ստամոքսի, գլխացավի և խումհարի փոխարեն դուք կստանաք թարմություն և հրաշալի տպավորություններ:
7. Հրաժարվել ալկոհոլից
Հիշեք, թե երբ եք վերջին անգամ Ամանորը դիմավորել առանց ալկոհոլի: Եթե ոչ 10-15 տարի առաջ, ապա ոչ ալկոհոլային տոնական օրերն իսկապես նոր տպավորություններ կտան ձեզ:
Իհարկե, դուք ռիսկի եք դնում՝ ձեր ընկերների հետ նույն ալիքի մեջ չլինելու, սակայն միայն եթե նրանք չհամաձայնեն ձեզ աջակցել այս գաղափարի հարցում:
Ինչո՞վ զբաղվել. հետազոտել սեփական քաղաքի գեղեցիկ վայրերը՝ մեկ թերմոս թեյով, որպես կամավոր անդամագրվել, չմուշկ քշել, դահուկ կամ սնոուբորդ: Հիանալի միտք է:
8. Ամանորին՝ մենակ
Ամանորին ընդունված է հավաքվել մեծ խմբերով՝ բարեկամների, ընկերների և նույնիսկ անծանոթների հետ: Իսկ ի՞նչ կլինի, եթե մեկ անգամ հակառակն անեք և մնաք միայնության մեջ ու այդ գիշերը նվիրեք ինքներդ ձեզ:
Այսպես դուք կկարողանաք լռության և հանգստության մեջ ամփոփել նախորդ տարվա արդյունքները և նպատակներ դնել հաջորդ տարվա ընթացքում իրագործելու համար, կամ էլ պարզապես ցանկություններ պահել կեսգիշերին:
Եթե ոչ մի Նոր տարի դուք միայնության մեջ չեք նշել, հավանաբար արժե փորձել: Իսկ եթե ձանձրալի լինի, միշտ էլ կարելի է անակնկալ անել և ինչ-որ մեկին հյուր գնալ:
9. Ուղևորվել այլ երկիր
Այ սա իսկապես արտասովոր Նոր տարի կլինի, որը դեռ երկար կհիշվի: Կարևոր չէ, թե որ երկիրը կընտրեք ամանորյա ճանապարհորդության համար՝ արկածներ եվրոպական քաղաքներում, հանգիստ լողափերում, լեռնադահուկային հանգստավայրեր թե այլ բան. տպավորությունները բավարար կլինեն մի ողջ տարվա համար:
10.Ամանորը՝ ինքնաթիռում
Որպես կանոն՝ ինքնաթիռի տոմսերը թանկանում են տոների նախաշեմին, քանի որ մարդիկ ձգտում են Նոր տարին դիմավորել արդեն այլ տեղում: Իսկ հենց տոների օրերին, հակառակը, տոմսերը միայն էժանանում են:
Եթե դուք տոմս գնեք դեկտեմբերի 31-ին, մի հարվածով երկու նապաստակ կսպանեք, այսինքն՝ կտնտեսեք ճանապարհածախսը և կստանաք Նոր տարին դիմավորելու արտասովոր փորձ՝ այն նշելով գետնից մի քանի կիլոմետր բարձրության վրա:
Որքան ավելի հետաքրքիր կերպով անցկացնեք տոնական օրը, այնքան մեծ կլինեն ամանորյա հրաշքին հանդիպելու շանսերը: