Ի՞նչ ուտեստներով են աշխարհի տարբեր երկրներում դիմավորում ամանորը (լուսանկարներ)
Բացի բազմագույն և բազմապիսի զարդարանքները, Ամանորը նաև առաձնանում է ուտեստների բազմազանությամբ, որոնք առկա են լինում սեղաններին:
Ներկայացնում ենք աշխարհի տարբեր երկրների ամանորյա ուտեստները: Ուտեստներ, որոնք յուրահատուկ են, ունեն իրենց նշանակությունն ու խորհուրդը:
Հոլանդացիները հյուրերին մատուցում են գինու մեջ եփած ճագար, որին ավելացնում են սոխ, թթվասեր և կանաչի:
Լեհաստանում պետք է մատուցվի 13 ճաշատեսակ: Տոնական ընթրիքն սկսվում է ձկան ապուրով կամ սնկի արգանակով, ապա կաղամբ՝ սնկով, կարկանդակ մրգահյութով և վերջում՝ թարմ մրգեր:
Հնդկաստանը, որը հայտնի է խոհարարական ունիկալ սովորություններով, Նոր տարին դիմավորում է մածնաբրդոշով, որը հատուկ բաղադրատոմսով է պատրաստվում՝ գառան մսով փլավով, բանջարեղենով, պնդուկով և հնդկական հայտնի համեմունքներով: Թեթև դեսերտն իրենից ներկայացնում է հարած սերուցք կոճապղպեղով: Այստեղ ամանորյա սեղանից բացակայում են մսային ուտելիքները: Ավանդական քաղցրավենիքներից է գազարի հալվան:
Իսկ ահա անգլիացիները չորացած հացից, տարբեր տեսակի չամիչներից, բալից, խնձորից, նուշից ու ցուկատից պատրաստում են սուրբծննդյան պուդինգ անունով դեսերտը: Ավելացնում են կիտրոններ, նարինջներ, կոճապղպեղ, դարչին, մեխակ և անիսոն: Հրաշալի է, որ անգլիացիները պարզապես սնունդ պատրաստելու գործընթացից մի ամբողջ ծիսակատարություն են ստեղծել: Պատրաստի պուդինգը թաթախվում է ռոմի և լիկյորի մեջ, տաքացվում է և մատուցվում:
Իսպանիայում Սուրբ ծննդյան երեկոյին պատրաստում են խորոված, հնդկահավ, կաթնային խոզ և ծովամթերքներով ուտեստներ: Որպես աղանդեր մատուցում են նուգա՝ սերուցքով և ընկույզով, մարցիպան՝ մեղրով, ինչպես նաև շաքարով նուշ:
Բրազիլիան համատեղում է շատ ժողովուրդների ամանորյա ավանդույթները: Տոնական սեղանի հիմնական ճաշատեսակներից են ձկան կամ խոզի միսը, բազմազան գարնիրը՝ գունավոր բրինձը, մրգային աղցանը և ընկուզեղենը:
Իտալիայում ընդունված է մատուցել խաղող, պնդուկ, ոսպ՝ որպես երկարակեցության, առողջության և բարեկեցության խորհրդանիշ:
Ֆրանսիայում տոնի գլխավոր ուտեստը տապակած հնդկահավն է, որը մատուցվում է լոռամրգի կամ գինու սոուսներով: Դե իսկ սեղանի անբաժանելի մասն են կազմում գինու տեսականին:
Դանիացիները կեսգիշերին սեղանին են դնում բրնձե քաղցր շիլա։ Այն ևս անակնկալով է։ Շիլայի առանձնահատկությունն այն է, որ այնտեղ թաքնված է ընկույզ կամ նուշ։ Այս ավանդույթը հատկապես դուր է գալիս չամուսնացած աղջիկներին։ Եթե նրանցից որևէ մեկին բաժին հասնի ընկույզ, ապա Նոր տարում ամուսնությունից խուսափել այլևս չի լինի։ Ամուսնացածների համար շիլայի անակնկալը խոստանում է պարզապես հաջող տարի։ Դա ևս վատ չէ։Դանիացիները սովորույթի համաձայն Նոր տարուն ճուտը պատրաստում են խնձորով, չամիչով և սալորաչրով: