Չինաստանում աճեցնում են յուրահատուկ տեսակի ալմաստե խնձորներ (լուսանկար)

Չինացի ֆերմերները ավելի քան մեկ տարի է, ինչ աճեցնում են սև ալմաստե խնձորներ, որոնք հոկտեմբերին մտել են շուկա և արդեն 2 ամիս է վաճառվում են : Խնձորներն ունեն մուգ մանուշակագույն երանգ, իսկ փայլով նմանվում են մոմերի: Այս մասին գրում է zik.ua.ru-ն` հղում տալով  «АПК-Информ: овощи и фрукты»-ին:

Ասում են, որ խնձորները նման են ալմաստների: Հենց այդ պատճառով էլ ստացել են իրենց անունը: Խնձորներն աճեցվում են Նինգչի շրջանում (Տիբեթ), որտեղ արևի լույսը շատ է, իսկ ցերեկվա և գիշերվա ջերմաստիճանի միջև տարբերությունը բավականին մեծ է: Այդ աշխարհագրական առանձնահատկությունը Նինգչին դարձնում է իդեալական բնական միջավայր՝ եզակի պտուղներ աճեցնելու համար։ Սև ալմաստե խնձորները հանդիսանում են Հուա-Նյու խնձորների տեսակ, որը ստեղծվել է ֆերմերների կողմից պատվաստման տեխնոլոգիայով։

3 տարի առաջ 20 հազար ծառեր, որոնք տնկվել էին 2012 թվականին, առաջին անգամ բերք են տվել։ Այս տարի խնձորի աճեցումը հասել է 50 հազար կիլոգրամի։ Քանի որ էքսկլյուզիվ խնձորների արտադրությունը սահմանափակ է, դրանք դասվում են VIP-դասի մթերքների շարքին, այդ իսկ պատճառով սովորաբար վաճառվում են 6-8 հատանոց փաթեթավորմամբ։