ՀՀ ԱԻՆ ՓԾ քաղաքացիական պաշտպանության վարչությունը նախանշեց 2018թ.-ի հիմնական աշխատանքները (լուսանկարներ)
Դեկտեմբերի 15-ին ՀՀ արտակարգ իրավիճակների նախարարությունում կայացավ քաղաքացիական պաշտպանության հիմնահարցերի շուրջ սեմինար-պարապմունք, որին մասնակցում էին Երևան քաղաքի և մարզային փրկարարական վարչությունների ներկայացուցիչները:
Հանդիպման նպատակն էր քննարկել ՀՀ ԱԻՆ ՓԾ քաղաքացիական պաշտպանության վարչության կողմից մշակված քաղաքացիական պաշտպանության կառավարման համակարգին առնչվող հարցերը, ինչպես նաև՝ 2017 թ.-ի ընթացքում առաջացած խնդիրներն ու դրանց լուծման ուղիները:
Սեմինար-պարապմունքը ղեկավարում էր ՀՀ ԱԻՆ ՓԾ քաղաքացիական պաշտպանության վարչության պետ, փ/ծ գնդապետ Արտակ Նահապետյանը:
Օրակարգում ընդգրկված էին հետևյալ թեմաները.
• 2018թ.-ի ՔՊ միջոցառումների պլանավորումն ու կազմակերպումը,
• Բնակչության տարհանման և պատսպարման խնդիրները,
• ՔՊ հարցերով պետական և տեղական ինքնակառավարման մարմինների ու կազմակերպությունների պատրաստման կազմակերպումը,
• Տնտեսության օբյեկտների կայուն գործունեության հիմունքները:
Ամփոփելով ՀՀ պետական կառավարման և տեղական ինքնակառավարման մարմինների ու կազմակերպությունների քաղաքացիական պաշտպանության վիճակի համալիր գնահատման արդյունքում ի հայտ եկած թերությունները՝ ներկաները նախանշեցին դրանց շտկման ուղղությամբ տարվող հիմնական աշխատանքները:
2018 թ.-ին նախատեսվող միջոցառումների թվում են նաև ուսումնական վարժանքները, որոնք նպատակ ունեն զարգացնել կառավարման մարմինների և բնակչության պատրաստվածությունն արտակարգ իրավիճակներում: