Եթե անձը բնակարանի խնդիր է լուծում, պետությունը միայն մեկ անգամ կարող է օգնել և նման գործարքը ֆինանսավորեմ. Ֆինանսների փոխնախարար
ԱԺ-ում քննարկվում է «ՀՀ հարկային օրենսգրքում փոփոխություններ և լրացումներ կատարելու մասին» օրենքի նախագիծը: «Ելք» խմբակցության պատգամավոր Գևորգ Գորգիսյանը հիմնական զեկուցող Ֆինանսների փոխնախարար Դավիթ Անանյանից հետաքրքրվեց` հիմնավորում են, թե սոցիալական բաղադրիչի մասը չի գործում և արդյոք ավելի ճիշտ չէ՞ այս ուղղությամբ սահմանափակում դնել, քան գների ու թվերի:
«Հետո այդ թվերը`55 մլն ու 1,5 մլն-ը, որտեղի՞ց են վերցրված»,-հարցրեց նա և նաև հետաքրքրվեց, թե քանի՞ տոկոսն է չարաշահում օրենքը, կա՞ վիճակագրություն:
Նշենք, որ հիփոթեքային վարկի տոկոսների փոխհատուցման նոր օրենսդրական փոխանունություններ է առաջարկվում, անձը եկամտահարկի փոխհատուցումից միայն մեկ անգամ կարող է օգտվել, պետությունից և համայնքից բնակարաններ ձեռք բերելու գործարքների առավելագույն շեմ է սահմանվում 55 միլիոն դրամը և գործարքներում եկամտային հարկի հետ ստացման առավելագույն շեմ է սահմանվում եռամսյակի համար 1,5 միլիոն դրամը։
Փոխնախարարը նշեց, որ սահմանափակումներ են դրել, բնակարանի համար 55 մլն դրամ շեմ են սահմանել՝ հաշվարկելով արժեքային հաշվարկել է Երևանի կենտրոնում բնակարանի արժեքը 135-140քառ/մետր գույքի համար:
1,5 մլն-ի մասով, փոխնախարարը նշեց, որ ամիսը 500 հազարի մասին է խոսքը, որ եթե ամուսինները որոշում են վարկառու և համավարկառու դառնալ, պետք է շուրջ 1, 6 մլն-ի եկամուտ ունենան: «Ամուսինների համատեղ եկամուտների առումով բավական բարձր շեմ է և միջին խավի ներդրված շեմը ռիսկ չի հարուցում»,-ասաց նա:
Ինչ վերաբերում է մեկ անգամին, ապա նշեց, որ սոցիալական բաղադրիչ են դրել իրավակարգավորման մեջ: «Եթե անձը բնակարանի խնդիր է լուծում,պետությունը միայն մեկ անգամ կարող է նման գործարքը օգնել ֆինանսավորել, երկրորդ, երրորդ անգամվա համար ոչ թե բնակարանի խնդիր է արդեն լուծվում, այլ ստացվում է պետությունն օգնում է ձեռք բերել 3-րդ, 4-րդ բնակարանը, իսկ պետությունը նման սուղ միջոցներով նման հարցի չի կարող լուծել»,-ասաց նա: