Էջմիածնում դաժան սպանություն կատարողը կալանավորվեց. առաջիկայում նա կտեղափոխվի հոգեբուժարան (լուսանկարներ)

Հայաստանի քննչական կոմիտեի Արմավիրի մարզային քննչական վարչության Վաղարշապատի քննչական բաժնի պետ Կարեն Խաչատրյանի որոշմամբ ստեղծված քննչական խմբի ղեկավար, նույն բաժնի հատկապես կարևոր գործերով ավագ քննիչ Արման Կարապետյանը միջնորդություն է ներկայացրել Արմավիրի մարզի ընդհանուր իրավասության (Էջմիածին) դատարան, որպեսզի դատարանը՝ որպես խափանման միջոց, երկամսյա կալանքի որոշում կայացնի Էջմիածին քաղաքի Զվարթնոց թաղամասի բնակիչ՝ 71-ամյա Սլավիկ Մաթևոսյանի նկատմամբ։

Shamshyan.com-ի փոխանցմամբ՝ դատավոր Վահե Խալաթյանը դռնփակ դատական նիստն անցկացնելուց և խորհրդակցական սենյակից վերադառնալով՝ որոշել է բավարարել ՀԿԳ ավագ քննիչի միջնորդությունը և Ս. Մաթևոսյանը, ում նկատմամբ քրեական գործ է հարուցվել ՀՀ քր.օր-ի 104 հոդվածի 1-ին մասի հատկանիշներով, կալանավորվել է։

Ֆոտոլրագրողի տեղեկություններով՝ նա տեղափոխվել է «Արմավիր» քրեակատարողական հիմնարկ։

Մինչ ձերբակալվելը, Ս. Մաթևոսյանը իրավապահներին հայտնել էր, որ ինքը իր զոհին սպանել է, քանի որ նա գողացել է ինչ-որ գումար, մինչդեռ կան կասկածներ, որ նա այդկերպ փորձում է թյուրիմացության մեջ գցել իրավապահներին, թե իբրև սպանվածն է գումարը գողացել՝ ցանկանալով նաև իր վայրագությունը արդարացնել։

Իրավապահները ունեն նաև օպերատիվ տեղեկություններ, որ սպանվածը երբևիցե չի ունեցել ֆինանսական խնդիրներ, սոցիալապես անապահով չի եղել և հակված են այն մտքին, որ նա չէր կարող մարդասպանի գումարը գողանար։

ՀԿԳ ավագ քննիչ Ա. Կարապետյանի որոշմամբ նշանակվել է նաև դատահոգեբուժական ստացիոնար փորձաքննություն, և առաջիկայում Ս. Մաթևոսյանը տեղափոխվելու է Նուբարաշենի հոգեբուժարան։

Մանրամասները՝ այստեղ.