Հայաստանում կոռուպցիայի դեմ ուժով պայքարելն անընդունելի է
Հայաստանում կոռուպցիայի դեմ ուժով պայքարելն անընդունելի է: Դեկտեմբերի 8-ին՝ լրագրողների հետ զրույցի ժամանակ, այդպիսի կարծիք է հայտնել Հայաստանի արդարադատության փոխնախարար Սուրեն Քրմոյանը՝ Կոռուպցիայի դեմ պայքարի միջազգային օրվան նվիրված գիտաժողովում:
Ըստ նրա՝ այդ երևույթի դեմ պայքարում Հայաստանի ունեցած միջոցները կանխարգելիչ բնույթ են կրում, իսկ ուժի կիրառմամբ և մարդկանց ազատության և իրավունքի բազմաթիվ խախտումներով իրավապաշտպան պայքարը այնպիսի ժողովրդավարական երկրի համար, ինչպիսին Հայաստանն է, անընդունելի է:
«Այդ է պատճառը, որ Հայաստանի բարձրաստիճան պաշտոնյաների էթիկայի հանձնաժողովը կանխարգելիչ գործառույթ է կրում, սակայն երեք տարվա մեջ հասկանալի դարձավ, որ դրա գործիքները բավարար չեն: Այժմ նրան տրամադրվել են հավելյալ գործիքներ», - նշել է փոխնախարարը:
«Մենք փորձում ենք փոխառնել միջազգային փորձի հաջողված օրինակները»,- նշել է Քրմոյանը և հավելել, որ Հայաստանում, ի տարբերություն շատ այլ՝ այդ թվում նաև հարևան երկրների, ստեղծվել է անկախ հակակոռուպցիոն մարմին և արդեն քրեականացվել է հարստության ապօրինի կուտակումը: