на Русском
ՃՏՊ՝ Հայկավան-Բամբակաշատ ավտոճանապարհին
Տեղի է ունենում ՀՀ ԱԺ արտահերթ նիստ․ Ուղիղ
Նախկին պաշտոնյայի ձերբակալման որոշումը դատարանը իրավաչափ չի համարել և ազատ է արձակել
Առանձնապես խոշոր չափերի կաշառք ստանալու կասկածանքով բնապահպանության նախարարության բնապահպանական պետական տեսչության պետի նախկին տեղակալի ձերբակալման որոշումը դատարանը ոչ իրավաչափ է համարել: Այս մասին նրա շահերի պաշտպան Ռաֆայել Ամիրխանյանը տեղեկացրել է ֆեյսբուքյան իր էջում:
Երևանի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանը, նախագահությամբ դատավոր Մարինե Մելքոնյանի, 2017 թվականի նոյեմբերի 3-ին քննության առնելով ՀՀ հատուկ քննչական ծառայությունում քննվող՝ ՀՀ բնապահպանության նախարարության բնապահպանական պետական տեսչության պետի նախկին տեղակալի՝ ձերբակալման իրավաչափության վերաբերյալ բողոքը բավարարել է այն և հաստատել, որ պաշտպանյալի անձնական ազատությունից զրկելը ոչ իրավաչափ է եղել:
Նախկին պաշտոնյան ձերբակալվել էր ՀՀ քրեական օրենսգրքի 311-րդ հոդվածի 3-րդ մասի 2-րդ և 3-րդ կետերով նախատեսված հանցավոր արարքի կատարման կասկածանքով (Առանձնապես խոշոր չափերի կաշառք ստանալը):
