Ով և ինչպես է գողացել Ծառուկյանի միլիոնները և ուր է անհետացել Շանգրիլայի Արոն. հայտնի միջադեպի անհայտ կողմերը
Այսօր մամուլում տեղեկություն էր տարածվել, որ ԱԺ «Ծառուկյան» խմբակցության ղեկավար, ԲՀԿ առաջնորդ Գագիկ Ծառուկյանին պատկանող հիմնարկներից մեկի տնօրենը օրերս յուրացրել է հիմնարկին պատկանող մի քանի միլիոն դոլարը և ընտանիքով հեռացել երկրից:
Operativ.am-ին հայտնի է դարձել, որ օրերս լարված վիճակ է եղել Ծառուկյանին պատկանող Shangrila խաղատանը:
Խաղատան տնօրենը՝ Շանգրիլայի Արոն, մեր տեղեկություններով այլևս չի աշխատում խաղատանը:
Մեր վստահելի աղբյուրների հավաստմամբ՝ Գագիկ Ծառուկյանը մի քանի օր է՝ փորձում է հայտնաբերել նրան և հետ բերել հիմնարկից գողացված միլիոնները:
Տարածվող տեղեկատվության իսկությունը ճշտելու համար Politik.am-ը կապ է հաստատել ԱԺ պատգամավոր, «Գագիկ Ծառուկյան» հիմնադրամի տնօրեն Իվետա Տոնոյանի հետ: Նա հերքել է տարածված տեղեկատվությունը ասելով.«Մուլտի Գրուպ կոնցեռնի կազմում որևէ ընկերության, որևէ տնօրենի հետ կապված նման խնդիր չկա»:
Տոնոյանը խոսել է «Մուլտի Գրուպի» կազմում եղած ընկերություններ մասին, շրջանցելով Ծառուկյանին պատկանող այլ ընկերությունները, որոնցից մեկն էլ հենց Shangrila խաղատունն է: