Ադրբեջանցիները պատժվել են Արցախի ներկայացուցիչներին սադրելու համար (լուսանկարներ)
ՌԴ Սանկտ Պետերբուրգում ընթացող «Ինվետեքս 2017» միջազգային զբոսաշրջային ցուցահանդեսում, որը անկացվել է հոկտեմբերի 12-14ը, ներկայացված էր նաև Արցախի Հանրապետությունը։
ԱՀ մշակույթի, երիտասարդության հարցերի և զբոսաշրջության նախարարության տեղեկացմամբ՝ Արցախը՝ որպես զբոսաշրջային ուղղություն հետաքրքրություն է առաջացրել տուրիզմի ոլորտի մասնագետների և ցուցահանդեսի այցելուների մոտ։
Գերատեսչության աշխատակիցների կողմից տարվել են արդյունավետ աշխատանքներ՝ ուղղված տեղում Արցախի զբոսաշրջային ներուժի մասին տեղեկացվածության բարձրացմանը։ Մասնավորապես՝ բաժանվել է մեծ քանակությամբ զբոսաշրջային գրականություն, տեսահոլովակներով սկավառակներ, քարտեզներ, բացի այդ՝ ցուցահանդեսի մասնակիցներին ներկայացվում էին Արցախ այցելելու և շրջաայություններ կազմակերպելու հնարավորությունները։
Ցուցահանդեսի ողջ ընթացքում տեղի են ունեցել սադրանքներ ադրբեջանցիների, մասնավորապես՝ նրանց համայքնի ներկայացուցիչների, պաշտոնական անձանց կողմից։
Հասկանալով, որ իրենց ջանքերը ապարդյուն են՝ ցուցահանդեսի վերջին օրը մի խումբ ադրբեջանցիներ փորձել են տեղում խոչընդոտել Արցախի տաղավարի աշխատանքները՝ լարվածություն ստեղծելով տաղավարի շուրջ։
Սակայն ձեռնարկված միջոցառումների շնորհիվ հաջողվել է կասեցնել դա և ցուցահանդեսի անվտանգության աշխատակիցների ուղեկցությամբ ադրբեջանցիները դուրս են հանվել ցուցահանդեսի տարածքից։
Ցուցահանդեսում Արցախի տաղավարի աշխատանքները կազմակերպվել էին ԱՀ մշակույթի, երիտասարդության հարցերի և զբոսաշրջության նախարարության կողմից։