«Վանաձոր» ՔԿՀ պետը կալանավորվեց

«Վանաձոր» քրեակատարողական հիմնարկի պետ Գևորգ Մկրտչյանին մեղադրանք է առաջադրվել և խափանման միջոց է ընտրվել կալանավորումը: News.am-ի հարցին ի պատասխան այս մասին քիչ առաջ հայտնեցին Հատուկ քննչական ծառայության լրատվական ծառայությունից:

Ավելի վաղ ՀՔԾ լրատվական ծառայությունը հայտնել էր, որ ՀՀ քրեական օրենսգրքի 308-րդ հոդվածի 1-ին մասով, 311-րդ հոդվածի 3-րդ մասի 2-րդ կետով և 312-րդ հոդվածի 1-ին մասով հարուցված քրեական գործով ՀՀ հատուկ քննչական ծառայության քննիչների կողմից իրականացված քննչական գործողությունների արդյունքում բավարար ապացույցներ են ձեռք բերվել այն մասին, որ ՀՀ ԱՆ «Վանաձոր» քրեակատարողական հիմնարկի պետ Գևորգ Մկրտչյանը, պետի տեղակալ Անդրանիկ Թումանյանը, օպերատիվ բաժնի պետ Ռուբեն Կիրակոսյանը, պատասխանատու հերթապահներ Արտակ Պարսամյանն ու Էդվարդ Քառյանը, ինչպես նաև պետական հատուկ ծառայություն իրականացնող այլ պաշտոնատար անձինք 2017 թվականի ընթացքում, նախնական համաձայնությամբ, ՀՀ ԱՆ «Վանաձոր» քրեակատարողական հիմնարկում պատիժ կրող դատապարտյալներից պարբերաբար պահանջել և որպես կաշառք ստացել են տարբեր չափերի գումարներ:

Մանրամասները՝ այստեղ: