Մեդվեդևը մեր Սինգապուր դառնալու վերջին հույսն է. ընդդիմությունը պիտի կենտրոնանա Մոսկվայում «դաբրո» մուրալու վրա
Մի քանի ամիս առաջ գրել, բացատրել էի, թե ինչու են սուտ վարչապետի բերած՝ ՀՆԱ աճի թվերը, ու որ 6.5%-ի փոխարեն իրականում ունենք մոտ 3% աճ, այն էլ ցուրտ ձմեռվա ու պղնձի գնի աճի պատճառով:
Հիմա IMF-ը կանխատեսում է, որ այս տարին փակվելու է 3,5% աճով, իսկ մյուս տարին 2,9%: Այսինքն եթե զտենք ստվերի կրճատման հաշվին պսևդո-աճի թվերը կստացվի բացասական աճ։ Ու այս ամենը ռեկորդային տուրիզմի աճի, ցածրագույն ՎՏ, չպատերազմի, չահաբեկչության, բարենպաստ պայմանների ֆոնին։
Սրան ի պատասխան ի՞նչ է անում մեր ժպտրերեսիկը: Այո, նա իհարկե օպտիմալացնում է (այսինքն ռեմոնտ է անում) կառավարության շենքը՝ Մեդվեդևի այցի նախապատրաստվելով:
Ներդրում է բերել Սինգապուրիչը: Սվաղի ու սիրուն աբոյի մեջ ներդրում է բերել: Որովհետև սոված թոշակառուն վարչապետին չի կաող զրկել կալոնկեքից գազ գողանալու հնարավորությունից, իսկ աբոյի գույնից դժգոհ Մեդվեդևը կարող է։ Նա էլ է շատ նրբագեղ երիտասարդ։ Ցարը, արդեն ակնհայտորեն «սլիվ» է անում «эффектный, но не эффективный» կադրին, ցուցադրաբար ֆլիրտվելով Տիգրան Սարգսյանի հետ։ Մեդվեդևը մեր Սինգապուր դառնալու վերջին հույսն է:
Անհամբեր սպասում եմ ԱԺ մյուս նստաշրջանին, որ տեսնեմ Փաշինյանը ոնց է բացատրելու, թե ինչու չի կարելի կառավարությանը անվստահություն հայտնել:
Ենթադրում եմ կռուտիտի մեխը լինելու է՝ «դա ՀՀԿ-ի ներքին բազարն է»: Ու ընդհանրապես Հայաստանի բոլոր ներքաղաքական իրադարձությունները ՀՀԿ-ի ներքին բազարն են: Ընդդիմությունը պիտի կենտրոնանա Մոսկվայում դաբռո մուրալու վրա:
Արթուր Դանիելյան. Ֆեյսբուք