«Գծատեր» հասկացությունը վերանալու է. Տրանսպորտի նախարար

Մշակվել է տրանսպորտի միասնական երթուղային ցանց ստեղծելու տեխնիկական առաջադրանքը, լրագրողների հետ հանդիպմանն ասաց ՀՀ տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանը՝ նշելով, թե լինելու է միասնական ցանց միջմարզային և միջքաղաքային, որը կներառի նաև մարզերի այն համայնքները, որոնք տրանսպորտով չեն սպարկվում։

«Չսպասարկվող համայնքների մեծ մասն արդեն ներառվել են այդ ցանցում», - տեղեկացրեց Վահան Մարտիրոսյանը։

Նախարարը նշեց՝ կներառվի նաև միասնական տոմսի համակարգը, կներդրվի նաև մեկ կամ երկու օպերատորի համակարգը.

«Այսպես ասած՝ «գծատեր հասկացությունը» վերանալու է, լինելու է միասնական օպերատոր, որը կսպասարկի ամբողջ ցանցը»։

Վահան Մարտիրոսյանի խոսքով՝ միասնական օպերատորն ունենալու է ավտոբուսների ցանց և ապահովելու է հասանելիությունը բոլոր համայնքներում, և միասնական տոմսի գաղափարը ավելի հեշտ է կիրառվելու։

«Առաջնահերթ խնդիրը ուղևորների որակյալ սպասարկումն է։ Շուտով մեկ մարզում պիլոտային ծրագիրը կմեկնարկի», - ասաց Վահան Մարտիրոսյանը։