Արցախի հարցում դեռ երկար ժամանակ տարածքային որևէ փոփոխություն չի լինի
Արցախի հարցում դեռ երկար ժամանակ տարածքային որևէ փոփոխություն չի լինի, քանի դեռ պատերազմող երկրների նախագահները բարձր ամբիոնից առաջնահերթ խոսում են իրենց ժողովրդին կոտորելու մասին:
Այսքան տարիների ընթացքում Ալիևի իշխանությունը հույսը դրել է իրենց կողմից հորինված Խոջալուի դեպքերի վրա: Խոսելով ազգի իբր կոտորելու և իբր տարածքի 20 տոկոսը օկուպացնելու մասին Իլհամ Ալիևը շատ լավ հասկանում է, որ այդ ռազմավարությունը ոչ մի տեղ չի տանում, առավել ևս այդպիսի հայտարարությունները հարցին լուծում չեն տալու: Ու մինչև Ադրբեջանի նախագահը ցնդաբանություններով է զբաղվում իսկ նրա աղջիկը ՄԱԿ-ում հոր ելույթի ժամանակ սելֆի է անում, այդ ընթացքում հայկական կողմից հնչում է վերջին շրջանում շատ տարածված հարցի մասին կոնկրետ հայտարարություն: Հա, Ալիևի աղջիկը ուրախ դեմքի արտահայտությամբ սելֆի է անում հենց այն պահին, երբ հայրը խոսում է «Խոջալուի զոհերի» մասին:
Ու մինչև Հայաստանում երկրորդ դասի որոշ գործիչների կողմից խոսվում է հող հանձնելու կամ փոխզիջելու մասին ՄԱԿ-ում Սերժ Սարգսյանը հայտարարում է ՝ «Ադրբեջանը չունի իրավական և բարոյական որևէ հիմք Արցախի հանդեպ հավակնություն ներկայացնելու համար: Արցախը երբեք անկախ Ադրբեջանի մաս չի կազմել, ուստի արդար չեն այդ պետական շրջանակին Արցախը բռնակցելու ձգտումները»:
Այո, Արցախը երբեք Ադրբեջանի մաս չի կազմել ու չի կազմելու, անկախ քաղաքական խաղերից, անկախ ճնշումներից, զենքի վաճառքից և այլ համոզմունքներից: Արցախի տերը ժողովուրդն է, Արցախը պահողը՝ հայ զինվորը: Եվ այսօր, վաղը կամ տարիներ անց, ՄԱԿ-ում ով էլ ներկայացնի Հայաստանը անկասկած հնչելու են այս տողերը՝ Արցախը երբեք Ադրբեջանի մաս չի կազմել ու չի կազմելու:
Աշոտ Ասատրյան. Ֆեյսբուք