на Русском
Բեյոնսեն ծաղկեփունջ է ուղարկել իր երկու տարեկ... 
Պատանիները փորձել են հուշանվեր թղթադրամներով ... 
Կարեն Կարապետյանը մի շարք նախաձեռնություններ է իրականացրել Հայաստանում բիզնես միջավայրը բարելավելու համար. Պյոտր Սվիտալսկի
Այսօր՝ սեպտեմբերի 15-ին, լրագրողների հետ զրույցում ԵՄ պատվիրակության ղեկավար, դեսպան Պյոտր Սվիտալսկին կարծիք է հայտնել, որ Կարեն Կարապետյանի կառավարությունը մի շարք նախաձեռնություններ է իրականացրել Հայաստանում բիզնես միջավայրը բարելավելու համար: Նրա խոսքով դա վերաբերում է նաև մաքսային և հարկային մարմիններին:
«Մենք խրախուսում ենք հայկական կառավարությանը լինել ավելի ակտիվ՝ օտարերկրյա կապիտալ ներգրավվելու գործում: Եվրոպական շատ բիզնես ընկերություններից ես դրական կարծիքներ եմ լսում, սա ճիշտ ուղղություն է, բայց նաև անհրաժեշտ է գտնել այլ հնարավորություններ։ Կարծում եմ` միջոցառումները, որոնք ուղղված են պետաիրավական համակարգի անկախության, կոռուպցիայի դեմ պայքարին, շատ կարևոր են: Պետություններն, ազգերը մրցակցում են իրար հետ ներդրումներ ներգրավելու համար և միայն շատ ակտիվ մասնակցությունն ու քաղաքականությունը կարող է ավելի շատ եվրոպական ներդրումներ բերել Հայաստան»,-ասաց Սվիտալսկին՝ ընդգծելով, որ իրենք հույս ունեն, որ Հայաստանում խաղաղություն կլինի, քանի որ բիզնեսը սիրում է խաղաղություն և կայունություն:
