Համատարած միջակություն ու կիսատություն է տիրում
Հետևում եմ հայաստանյան քաղաքական անցուդարձին ու մի միտք հանգիստ չի տալիս ինձ։ Ինչի՞ց է, որ համատարած միջակություն ու կիսատություն է տիրում։ Չկա մի նախագիծ, որը սկզբից մինչև վերջ, բոլոր ռիսկերը հաշվարկված լինելով, իրականացվի ա-ֆ։ Թերևս միակ շրջանառության մեջ դրված գաղափարներից կարելի է առանձնացնել ՊՆ բարեփոխումները։ Դրանցից մի քանիսը շատ արագ ընկալվեցին հանրության շրջանում։
Բայց դրանից բացի էլ բան չի գալիս մտքիս։
Առաջարկում են փոխել փողոցների անունները, բայց առաջարկած 6 տարբերակն էլ, երևի Ազգալդյանից բացի, չքննարկված տարբերակներ են։ Խոսում են ԵԱՏՄից դուրս գալու մասին, բայց չես հասկանում, թե կոնկրետ, որ սոուսով են մատուցում՝ ինքնիշխանության համար մղվող պայքարի՞, թե՞ հավասար գործընկերային հարաբերությունների։ Արգանդի վզիկի քաղծկեղի դեմ պատվաստանյութ են բերել (լավ են արել), բայց ռումբի պես գցում են մի հանրության գլխի, որի մի մասը մտածում է, որ կոկակոլայով կարաս անցանկալի հղիություն կանխես...ու էսպես շարունակ։
Հ.Գ. Ինձ թվում է նաև սրանիցա, որ Հայաստանում ամեն քայլափոխի կիսակառույց ու լքված տներ են։
Մարինե Մանուչարյան. Ֆեյսբուք