Կարծում եմ դեռ շանս կունենամ հրավիրվելու ազգային ընտրանի. Գեղամ Հարությունյան (լուսանկարներ)
Հայկական ֆուտբոլով հետաքրքրվողների համար գաղտնիք չէ, որ նախորդ մրցաշրջանում «Գանձասար-Կապանը» և նրա գլխավոր խորհրդանիշ դարձած Գեղամ Հարությունյանը աչքի ընկան լավ խաղով, ինչի արդյունքում դարձան առաջնության փոխչեմպիոն, սակայն այս մրցաշրջանում «Գանձասար-Կապանը» դեռևս հաղթանակ չի տոնել, այս մասին Operativ.am–ը զրուցել է ակումբի լավագույն ռմբարկու Գեղամ Հարությունյանի հետ:
-Ինչպե՞ս կգնահատեք նախորդ մրցաշրջանում ձեր ցուցաբերած արդյունքները, կարելի է ասե՞լ Կապանյան ակումբը ձեր հեղինակած գոլերի շնորհիվ դարձավ փոխչեմպիոն:
-Նախ նշեմ այն հանգամանքը, որ առաջնության մեկնարկը այնքան էլ լավ չտվեցինք, սակայն հետագայում կարողացանք շտկել իրավիճակը, կարող էինք նաև չեմպիոն դառնալ, սակայն միավորները փոքր-ինչ չբավարարեցին, դրանք միայն իմ գոլերը չէին, դրանք թիմի գոլերն էին ոչ թե իմը:
-Իսկ ինչո՞վ կպատճառաբանեք այն հանգամանքը, որ ակումբը այս մրցաշրջանում դեռևս հաղթանակ չի տոնել:
-Չեմ կարող ասել թե ինչու թիմը դեռ հաղթանա չի տոնել, եղել են փոփոխություններ որոնց համար ժամանակ է անհրաժեշտ ավելի ճիշտ հասկանալու թե տակտիկական փոփոխությունները, թե ֆուտբոլիստներին:
-Այս մրցաշրջանում դուք դեռ մեկ գոլ եք հեղինակել, արդյո՞ք վնասվածքը դեռ խանգարում է:
-Ցավոք սրտի, վնասվածքները ֆուտբոլիստի մի մասն են և չգիտես թե երբ և ինչ վնասվածք կստանաս: Վնասվածքս կա, դեռ լիովին չի վերականգնվել, սակայն հուսով եմ, որ ամեն բան լավ կլինի և կկարողանամ ամբողջ ուժով օգուտ տալ թիմին:
-Դուք մեկ անգամ հրավեր ստացել եք ազգային հավաքականի կողմից, սակայն խաղադաշտում ցույց չեք տվել ձեր խաղային որակնորը, շուտով ազգային ընտրանի են հրավիրվելու նոր ֆուտբոլիստներ, հնարավոր է արդյո՞ք նոր կազմում կրկին տեսնենք ձեզ:
-Այո, բախտ եմ ունեցել ազգային ընտրանի հրավիրվելու, դա ցանկացած ֆուտբոլիստի երազանք է, կարծում եմ դեռ շանս կունենամ հրավիրվելու:
-Լինելով ֆուտբոլիստ, ով հանդես է եկել ազգային ընտրանու կազմում ինչպե՞ս կմեկնաբանեք պարտությունների այս շարքը:
-Յուրաքանչյուր թիմում էլ լինում են պարտություններ, սակայն սխալ է դրանք կապել ինչ-որ բանի հետ, ուղղակի մեր հավաքականի մոտ այդպիսի շրրջան է սկսվել:
-Ըստ ձեզ խնդիրը մարզչի՞ մեջ է, թե՞ ֆուտբոլիստների, կա արդյո՞ք համախմբվածության պակաս:
-Մեր ընտրանում չկա համախմբվածության պակաս, քանի որ մենք հայերս միշտ միասնական , մեկ բռունցք ենք հանդես գալիս. լինի դա սպորտի ասպարեզում, թե այլ ոլորտներում, մարզչի համար կասեմ որ այս պարագայում մարզիչը դեր չունի ուղղակի սև շրջան է սկսվել հավաքականի համար:
-Դուք հանդիսանում եք առաջնության լավագույն ռմբարկուներից, արդյո՞ք չեք ստացել առաջարկներ արտասահմանյան ակումբներում հանդես գալու:
-Եղել են ակումբներ որոնք հետաքրքրվել են, սակայն կոնկրետ առաջարկներ դեռևս չեն եղել:
-Եվ վերջում ամփոփելով զրույցը կցանկանայինք իմանալ, թե ըստ ձեզ ո՞րն է հայկական ֆուտբոլի բարգավաճման ուղին:
-Կարծում եմ պետք է ավելանան ֆուտբոլային ակումբները, արտերկրում մենք ունենք շատ հայրենասեր հայեր, որոնք իմ կարծիքով ի զորու են ներդրումներ անելու և արդյունք հասնելու հայկական ֆուտբոլում, հուսանք, որ կլինեն այդպիսի մարդիկ: