Սաակաշվիլին հայտնել է Կիևում եղբոր ձերբակալության մասին
Վրաստանի նախկին նախագահ‚ Օդեսսայի նախկին նահանգապետ Միխեիլ Սաակաշվիլին հայտնել է‚ որ Կիևում ոստիկանները ձերբակալել են իր եղբորը՝ Դավիթին: Այս մասին հայտնում է «Gazeta.ru»-ն՝ հղում տալով գործչի՝ ֆեյսբուքյան էջում արած գրառմանը:
«Այսօր առավոտյան ՆԳՆ 8 ներկայացուցիչներ ձերբակալել են իմ եղբայր Դավիթ Սաակաշվիլիին‚ երբ նա դուրս է եկել Կիևում իր տանից‚ և տարել են անհայտ ուղղությամբ»‚- գրել է Սաակաշվիլին:
Նրա խոսքով՝ Դավիթ Սաակաշվիլին իրավաբան է և ունի Ուկրաինայում բնակվելու փաստաթուղթ:
Սաակաշվիլին ենթադրում է‚ որ այդկերպ փորձ է արվում ազդեցություն ունենալ իր վրա: