Ամենայն Հայոց Կաթողիկոսն ու Ադրբեջանի հոգևոր առաջնորդը կհանդիպեն
Այս տարվա սեպտեմբերին Մոսկվայում տեղի կունենա Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսը ու Կովկասի մահմեդականների վարչության նախագահ, Շեյխ ուլ իսլամ Ալլահշուքյուր Փաշազադեի հանդիպումը:
Ինչպես հայտնել է Մայր Աթոռ Սբ. Էջմիածնի տեղեկատվական համակարգի տնօրեն Տեր Վահրամ քահանա Մելիքյանը՝ հանդիպումն‚ ըստ նախնական տվյալների‚ տեղի կունենա սեպտեմբերի 8-ին:
Հայաստանի և Ադրբեջանի հոգևոր առաջնորդների հանդիպմանը կքննարկվեն Արցախյան հակամարտությանն ու տարածաշրջանային խաղաղության վերաբերյալ հարցեր: