Հայաստանում, բացի գողականից, որևէ բան չի զարգանում
«Ժողովուրդ» օրաթերթը գրում է. ««Անտարես» հոլդինգի ղեկավար Արմեն Մարտիրոսյանը համոզված է, որ Հայաստանում, բացի գողականից, որևէ բան չի զարգանում: «Ինձ ցույց տվեք Հայաստանի հեռուստատեսությունում որևէ ծրագիր, որը լինի գրքի բովանդակությունից, չկա:
Իսկ վրացական հեռուստաընկերություններում չկա հեռուստատեսություն, որը չունենա գրքի բովանդակությունից խոսող հեռուստահաղորդում: Մենք չենք ունեցել որեւէ նախարար, ով հեռուստատեսությամբ խոսի գրքի բովանդակությունից, իսկ Վրաստանում չկա որեւէ նախարար, որ չխոսի գրքի բովանդակությունից: Մեզ նման ժողովուրդ էր, բայց 2003 թվականից ունեցավ գիտելիքով ղեկավարություն, իսկ մենք ունեցանք Ռոբերտ Քոչարյանի նման նախագահ, ով ասում էր, որ գիրք կարդալ չի սիրում: Ունեցանք Սերժ Սարգսյան, որ երկու տարի առաջ եւ հետո նույն գրքերը նույն ձեւ շարած էին գրասեղանին: Ունեցանք այն, ինչ հիմա ունենք»,- նշել է նա:
Միաժամանակ Մարտիրոսյանը պնդել է, որ Հայաստանում պատերազմ է գիտելիքի ու տգիտության միջև, ու տգիտությունը հաղթում է»:
Մանրամասները՝ «Ժողովուրդ» թերթի այսօրվա համարում: