Աշխարհի ամենագեղեցիկ և սարսափելի վայրերը (տեսանյութեր, լուսանկարներ)
Անանցանելի ջունգլիներ, կտրուկ վայրէջքներ, անհաղթահարելի բարձունքներ. 8 վայր, որտեղ անմոռանալի տպավորություններն ու ադրենալինը երաշխավորված են:
Նորվեգիա, Ռինգեդալսվաննեթ լիճ
Թվում էր, թե ինչը կարող է ավելի պարզ և անվտանգ լինի, քան առարկայի կամ բնապատկերի լուսանկարահանումը: Առհասարակ, դա այդպես էլ կա, բայց միայն ոչ այն դեպքում, եթե լուսանկարն արվում է Թրոլի լեզու լեռան վրայից: Սկզբում դեռ պետք է հասնել այդտեղ՝ հաղթահարելով 12 կմ ոտքի ճանապարհ: Իսկ հետո մի քիչ շունչ քաշել, հավաքելով ուժերը՝ կանգնել լճից 800 մ բարձրության վրա կախված ապառաժին և լուսանկարել աշխարհի ամենագեղեցիկ և գլխապտույտ տեսարաններից մեկը:
ՀԱՀ, Ավստրալիա
Հարավաֆրիկյան Հանրապետությունում և Ավստրալիայում կարելի է ծրագիրը բազմազան դարձնել՝ սուզվելով անմիջապես շնաձկների մեջ:
Ձեզ վանդակի մեջ կնստեցնեն, շուրջը խայծ կդնեն և կիջեցնեն ջուրը: Վանդակը որևէ պաշտպանիչ շերտ չունի, իսկ անհրաժեշտ հանդերձանքից դուք կկրեք միայն հիդրոկոստյում, և թթվածնի բալոնին կցված խողովակով դիմակ:
Ավստրիա, Միդերս
Լեռնադահուկային առողջարան Միդերսում այցելուներին լեռից իջնելու այլընտրանքային տարբերակ է առաջարկվում: 1620 մետր բարձրությունից կարելի է իջնել վագոնիկի մոնոուղային ճանապարհով: Եթե չօգտվել արգելակիչներից, ապա 2.8 կմ երկարությամբ ճանապարհը կարելի է անցնել ընդամենը 4 րոպեում:
Չինաստան, Հուաին, Հուաշան լեռ
2000 մետր բարձրությամբ լեռան գագաթին հնագույն տաճար կա, որտեղ հասնելու համար համար պետք է հաղթահարել փայտե ճոպանուղուց և աստիճաններից, սակայն որոշ մարդիկ նախընտրում են ավելի հեշտ ճանապարհներ՝ նեղ արահետ, որը կազմված է 50 սմ-անոց տախտակներից:
Սեքվիմ, ԱՄՆ
Վաշինթոն նահանգի արվարձաններում կարելի է դիտել թռչնի թռիչքի բարձրությունից: Օդային ճամփորդություններից այս տարբերակը առանձնանում է նրանով, որ դուք թռչում եք ոչ թե հարմարավետ տեղավորված, այլ թևքից կախված:
Լա-Պաս, Բոլիվիա
Նախքան հեծանվային այս զբոսանքի դուրս գալը, չէր խանգարի մանրամասն ուսումնասիրել տեղանքը. ճանապարհը չափազանց նեղ է, տեղ-տեղ՝ սայթաքուն: Ճանապարհը ձգվում է շուրջ 60-70 կմ՝ միավորելով Լա-Պասն ու Կորոյկոն: Այն ասֆալտապատված չէ: Զբոսանքը սկսվում է 4600 մ բարձրությունից, ավարտվում 1200մ բարձրությամբ:
Իսպանիա, Էլ Չորո կիրճ
Ճանապարհը, որը 19-րդ դարում կառուցվել է ժայռին երկաթներ ամրակցելով և վրան տախտակներ դնելով, նախատեսված է եղել բանվորների համար, ովքեր ամբարտակներ էին պատրաստում: Ճանապարհի երկարությունը կազմում է 1 մետր, ընդ որում որոշ հատվածներում ճանապարհի մի մասն ուղղակի չկա, այդ պատճառով ճանապարհով անցնելը պաշտոնապես արգելված է: Ուղին որևէ անմոռանալի վայր չի տանում, սակայն ապահովում է ոչ մանկական ադրենալին և շրջակայքը գետից 100 մետր բարձրության վրա դիտելու հնարավորություն:
Մակաո, Չինաստան
Մակաոյում աշխատարակ կա, որից թռչելով՝ 5 վայրկյանում ձեր աչքերի առաջ կանցնի ապրած ողջ կյանքը: Թռիչքը տեղի է ունենում 223 մ բարձրությունից, որը կատարելուց առաջ փաստաթուղթ է ստորագրվում, որով հաստատվում է, որ թռիչք կատարող անձը սրտի որևէ խնդիր չունի: Երբ արդեն թվում է, թե կհասնես ասֆալտին, թռչում ես դեպի վեր, ապա կրկին ներքև: