Մերօրյա շուրթերը գծող գլամուրների նախնիները Այնու հնագույն ժողովուրդի կին ներկայացուցիչներն են (լուսանկարներ)

Չէ, նրանք մերօրյա գլամուրներ չեն, ովքեր շուրթերը ավել են գծում, որ իբր հաստ շուրթերի իմիտացիա ստանան, այլ Այնու հնագույն ժողովուրդի կին ներկայացուցիչներն են, ովքեր դարեր շարունակ դատապարտված են եղել շուրթեր դաջելու ցավոտ արարողությանը:

Ուրեմն այս ցեղի կին ներկայացուցիչները 7 տարեկանում պարտավոր էին շուրթեր դաջել իրենց եղած շուրթերին ու այն էլ կեղծ ժպիտի տեսքով: Արարողությունը տեղի էր ունենում, երբ աղջիկը դեռ 7 տարեկան էր: Շուրթերը դաջում էր աղջկա տատիկը կամ մայրը:

Նախ սուր կտրող դանակով շուրթերի եզրերը կտրում էին, հետո տաք ներկով վառում այնքան մինչև ժպիտը պատկերվեր: Այս դաջվածքն անընդհատ թարմացվում էր:

Վերջին թարմացումը տեղի էր ունենում աղջկա ամուսնության օրը: Կանայք հավատում էին, որ շուրթերի դաջումն օգնում է իրենց երջանիկ լինել ու հանդերձյալ կյանքում չտանջվել: Երբ Ճապոնիայի կառավարությունը որոշեց արգելել շուրթերի դաջումը չափազանց տանջալից լինելու պատճառով, կանայք ընդդիմացան այդ որոշմանը, չնայած նրանցից շատերը պարզապես ցավին չէին կարողանում դիմանալ ու հետո շաբաթներ շարունակ տառապում դեմքի անտանելի այտուցվածությունից:

Նրանցից ոմանք անգամ ընկնում էին կոմայի մեջ: Ի վերջո արգելքն աշխատեց: Վերջին շուրթերի դաջվածք արած Այնու կինը մահացավ 1998-ին ու վերջ դրեց այս անմարդկային ավանդույթին:

Ասածս ինչ է` էդ շուրթերը, որ նկարում եք վաղուց արգելվել է` ՄԻ ԱՐԵՔ

Անիկ Մարգարյան. Ֆեյսբուք: