Մարդ, ով ստացել էր ամենամեծ վստահության քվեն և դա տրանսֆորմացրել է վատթարագույն արդյունքների
Մարդաբանա-մաթեմատիկական հանելուկ. եթե ստիպված ես ապավինել Մենուա Հարությունյանի PR-ին, ապա հայտարարված 6.4% տնտեսական աճի քանի՞ տոկոսն է ֆուֆլո: Փրկիչից աստիճանաբար դառնալով տնօրենին ծաղկամանների պակասորդի համար աչյոտ տալ չկարացող զավխոզ՝ Կարեն Կարապետյանը իր հետքը կթողնի Հայաստանի նորագույն պատմության մեջ որպես մարդ, ով ստացել էր պատմության մեջ ամենամեծ վստահության քվեն և դա տրանսֆորմացրել է պատմության մեջ վատթարագույն արդյունքների:
Այն տեղեկատվական վակուումը, որ ստեղծեցին կառավարության PR գծով «մասնագետները», ոչ միայն երաշխավորեց, որ ցանկացած հիմնավորված քննադատություն միանգամից տրաքող արկի էֆեկտ է տալիս, այլ նաև բերեց նրան, որ ոչ ոք չի քննադատում, բայց չի էլ ուզում մեջքին կանգնել: ՀՀԿ-ի ահռելի ռեսուրսը, ոչ միայն չի ցանկանում օգնել այս «զտարյուն արիստոկրատներին», այլ նաև սպասում է, թե երբ է շեֆը Կարապետյանի գլխից ձեռքը քաշելու, որ հոշոտեն:
Իսկ շեֆը դեռ չի շտապում: Նա սեպտեմբերի վերջ կանչելու է 3րդ եռամսյակի թվերը դնի դեմը ու մի քանի տհաճ հարց տա: Բայց դեռ չի հեռացնի։ Կսպասի, որ Կարապետյանը շաբաթը մեկ խնդրի, որ իրեն ազատեն: Այդ խնդրանք-նամակները նույն հաճախականությամբ «forward» են արվելու Մոսկվա՝ հետն էլ ևս մի քանի տհաճ հարց կցված։
Հ.Գ. արդեն 50 օր է, ինչ մենք չգիտենք, թե ինչքան է գործազրկությունը Հայաստանում... թոշակ տալու համար կառավարությունը Ալեքսանյանից պարտքով փող է վերցնում, բայց նրա հետ արված նկարները ջնջում է, որովհետև արիստոկրատին հարիր չէ նման մարդու հետ նկարվելը:
Արթուր Դանիելյան. Ֆեյսբուք