Իշխանության բացթողումը՝ բոլոր ժամանակների ամենաթույլ ընդդիմության ֆոնին

ՀՀԿ գործադիր նիստից հետ,որը կայացել է երեկ, կուսակցության մամլո խոսնակ Էդուարդ Շարմազանովը հայտարարել է, որ սպավում է թեժ քաղաքական աշուն, քանի որ կուսակցական լուրջ ռեստարտ է գնում այժմ։

Այս ամենի մեջ արտառոց որևէ բան չէր լինի, եթե խոսքը չվերաբերվեր Շարմազանովի ասածի մի փոքրիկ, բայց էական նրբության։

ՀՀԿ մամլո քարտուղարը թեժ աշուն ասելով նկատի ունի, ոչ թե սովորական դարձած իշխանություն-ըննդիմություն թեման, այլ իշխանական վերադասվորումները։ Ասել է թե, ըննդիմություն պիտի լինի, որ մի հատ էլ թեժ աշուն խոստանա։

Հետևաբար ամբողջ դաշտի տրանսֆորմացիան նորից ընկնում է ՀՀԿ-ի վրա, ով այս պահին բացի արտաքին մարտահրավերներից, որոնք գնալով ահագնանում են, ստիպված է փակել նաև ներքին քաղաքական օրակարագի մի շարք շատ կարևոր օղակներ, որոնք գոնե մինչև վերջին տարիներին իրականցնում էր ընդդիմությունը։

Երևի թե ոչ մի անգամ Հայաստանյան ընդդիմությունը այսքան թույլ չէր եղել, թեպետ անհատական մակարդակում բավականին փորձառու խաղացողներ այնուամենայնվի ունենք։ Իսկ ստեղծված պարագայում, երբ հանրության դժգոհ մասսայի տրամադրությունը քաղաքական ուժը չի կարող արտահայտել, այդ ֆունկցիան իրենց վրա կարող են վերցնել ապաքաղաքական միավորներն ու նախաձեռնությունները, որոնց գործողությունների տրամաբանությունը հաճախ քաղաքական վարքագծի մեջ չի տեղավորվում, ու իր արտահայտումն է գտնում օրինազանցությունների մեջ։ Ահա այն գլխավոր բացթողումը, որը թույլ է տվել իշխանությունը՝ փոխարենը ձեռք բերելով տեխնիկապես թույլ, բայց ֆիզիկապես շատ ավելի բարդ մրցակից։

Գրիգոր Սաղաթելյան. Ֆեյսբուք: