Սենթ Լուիս. Լևոն Արոնյանը հաղթեց Գարի Կասպարովին և Վիշի Անանդին
Սենթ Լուիսում մեկնարկել է կայծակնային խաղի մրցաշարը, որի առաջին օրն անցկացվում է 9 տուր: Հայաստանի հավաքականի առաջատար Լևոն Արոնյանը 7 տուրից հետո վստահորեն գլխավորում է մրցաշարային աղյուսակը, որի հաշվարկը կատարվում է արագ շախմատի արդյունքների գումարով: Լևոն Արոնյանն այժմ ունի 17.5 միավոր և երկրորդ տեղում ընթացող ամերիկացի Հիկարու Նակամուրայից առաջ է 2.5 միավոր:
Արոնյանը կայծակնային խաղի մրցաշարի երրորդ տուրում հաղթել է վիետնամցի Լե Կուանգ Լիեմին, 5-րդ տուրում՝ աշխարհի 15-րդ չեմպիոն, հնդիկ Վիշվանաթան Անանդին, 6-րդ տուրում՝ ռուսաստանցի Յան Նեպոմնյաշչուն, իսկ 7-րդ տուրում ուժեղ էր աշխարհի 13-րդ չեմպիոն Գարի Կասպարովից: Հայ գրոսմայստերը մյուս պարտիաներն ավարտել է ոչ ոքի: