Անդրիաս Ղուկասյանը իրեն գաղտնալսելու ոստիկանության հիմնավորումը «էշություն» համարեց

News.am-ը գրում է. Սարի թաղում զանգվածային անկարգություններ հրահրելու մեղադրանքով ազատազրկված Անդրիաս Ղուկասյանի պաշտպան Կարեն Մեջլումյանը բողոք էր ներկայացրել դատարան՝ պահանջելով վերացնել քննչական ու մեղադրող մարմինների կողմից Անդրիաս Ղուկասյանի իրավունքների խախտումը։ Այսօր՝ հուլիսի 31–ին, Արաբկիր և Քանաքեռ-Զեյթուն վարչական շրջանների ընդհանուր իրավասության դատարանում տեղի է ունեցել այս գործով առաջին նիստը։ Անդրիաս Ղուկասյանը և Կարեն Մեջլումյանը մանրակրկտորեն ներկայացրել են իրավուքնների խախտումների վերաբերյալ բոլոր փաստարկները, որոնց վերաբերյալ միջնորդությունները քննչական և մեղադրող մարմինները մերժել են։ Անդրիաս Ղուկասյանի բողոքում հատված կար նաև ոստիկանության անօրինականության մասին։ Անդրիաս Ղուկասյանն ասել է, որ ոստիկանությունը իրեն գաղտնալսելու թույլտվություն ստանալու համար 2016– հունիսին դիմել է դատարան այն հիմքով, թե ունեն օպերատիվ տեղեկություններ, որ Անդրիաս Ղուկասյանը պատրաստվում է զանգվածային անկարգություններ սկսել սպասվող սահմանադրական հանրաքվեի կապակցությամբ։ Մինչդեռ Սահմանադրության հանրաքվեն տեղի էր ունեցել 2015 թվականի դեկտեմբերին։

«Քննիչը մեր միջոնդությունը մերժել է, բողոքել ենք դատախազին, դատախազն էլ մերժել է, որից հետո բողոք ենք բերել դատարան։ Ավելի քան մեկ տասնամյակ։ Մի հատված ներկայացնեմ ոստիկանության գործողությունների մասին. «Ոստիկանությունը օպերատիվ տեղեկություներ է ստացել այն մասին, որ Անդրիաս Ղուկասյանը սույն թվականի 2016–ի դեկտեմբերի 6–ին նախատեսված հանրաքվեին եւ դրան նախորդող ու հաջորդող ժամանակահատվածներում ծրագրավորում է հայտարարված քաղաքացիական անհնազանդության գործողությունները վերածել զանգվածային ակնկարգությունների։ Այսիքն 2016 թվականին պիտի տեղի ունենար մի հատ էլ հանրաքվե, ես էլ հավանաբար ոստիկանության օպերատիւվ հետախուզական տվայլներով պիտի ծրագրավորեի քաղաքացիական անհնազանդություն։ Այս հարցում վերջինիս օժանդակում է Պավել Մանուկյանը, Վիկտոր Դավթյանը և Գևորգ Ղազարյանը։ Նշված գորոծողությունները պարունակում են քրեական օրենսգրքի 25–րդ հոդվածի 1–ին մասի եւ 38 հոդվածի 1–ին մասին 5–րդ կետի դրույթները, ուստի նպատակահարմար եմ համարում գաղտնալսել նշված հեռախոսհամարները, ինչը թույլ կտա կանխել նախապատարստվող հանցագործությունը։ Ինչպես նաեւ ստանալ այլ օպերատիվ հետաքննություն ներկայացնող տեղեկություններ»,–ընթերցել է Անդրիաս Ղուկասյանը՝ նշելով, որ ինքը թեեւ ճանաչում է Պավել Մանուկյանին՝ որպես հերոս, բայց մտերիմ չի եղել հետը։

Ղուկասյանը նշել է, որ այս հիմնավորումը ոստիկանությունից ներկայացրել է ոստիկանապետի առաջին տեղակալ Հունան Պողոսյանը։

«Եթե ենթադրենք խոսքը 2015 թվականի սահմաանադրական հանրաքվեի մասին է, ակնհայտ է, որ 2016–ի դեկտեմբերի 6–ին հարաքվե չի եղել։ Ստացվում է, որ ոստիկանությունը գաղտնալսելու թույլտվություն է ստանում հարնրաքվեից կես տարի հետո որպես հիմք ընդունելով սպասվող սահմանադրական հանրաքվեն...Սա անհեթեթություն է, սա այն աստիճանի անհեթեթություն է, որ չի պահանջում լրացուցիչ զննություն ու քննություն։ ժողովրդական լեզվով ասած՝ սա էշություն է»,–հայտարարել է Անդրիաս Ղուկասյանը։

Նշենք, որ ոստիկանության այս հիմնավորումը դատարանը հիմք է ընդունել ու որոշում կայացրել գաղտնալսել Ղուկասյանի հեռախոսազրույցները։ Պաշտպանը ևս ներկայացրել է այնպիսի մանրամասներ, որոնք փաստել են Ղուկասյանի անմեղությունը։ Դատարանը հետաձգել է նիստը մինչեւ օգոտսոսի 8–ը, որպեսզի բողոքող կողմը գրավոր ներկայացնի այն միջոնդությունները, որոնք բողոքարկել են։ Նշենք, որ միջոնդույունները մեկ տասնյակից ավելի են։

Ըստ մեղադրանքի՝ Անդրիաս Ղուկասյանը 2016թ. հուլիսի 29-ին Երևան քաղաքում կազմակերպել է զանգվածային անկարգություններ, ինչպես նաեւ փորձել է միանալ 2016թ. հուլիսի 17-ին Երևան քաղաքի Մ.Խորենացի փողոցի 158 հասցեում տեղակայված՝ ՀՀ ոստիկանության Երևան քաղաքի վարչության պարեկապահակային ծառայության գնդի տարածքում գտնվող շենքերը, շինությունները եւ տրանսպորտային միջոցները զավթած , ոստիկաններ եւ բուժաշխատակիցներ պատանդ վերցրած կազմակերպված, զինված խմբին, զինվել, ապօրինի կերպով հրազեն ու ռազմամթերք կրել, պահել և խմբի անդամների հետ համակատարմամբ շարունակել պահել զավթածն ու պատանդներին, սակայն հանցագործություններն ավարտին չի հասցրել իր կամքից անկախ հանգամանքներով: