Սփյուռքի նախարարությունը կարող էր լինել Հայաստանի ամենակարևոր կառույցներից մեկը, սակայն այն այժմ կույր աղիքի է վերածվել

Սփյուռքի նախարարությունը կարող էր լինել Հայաստանի ամենակարևոր կառույցներից մեկը, իր նշանակությամբ համարժեք Պաշտպանության նախարարությանը, սակայն այն այժմ կույր աղիքի է վերածվել:

Սփյուռքի նախարարության գործունեության հնարավոր ոլորտներ պետք է լինեին.

-Հայաստանի կերպարի քարոզչություն սփյուռքի հայերի և արտասահմանցիներիշրջանում,

-ներդրումների կազմակերպում,

-դիվանագիտություն,

-հետախուզություն և հակահետախուզություն,

-գիտություն,

-կրթություն,

-սփյուռքյան կառույցների ձևավորման խթանում

-հայրենադարձություն:

Բնականաբար դա պետք է լիներ ամենաինտելեկտուալ կառույցներից մեկը և յուրաքանչյուր ռեգիոնի յուրահատկությունից ելնելով համապատասխան գործունեություն ծավալեր: Նման կառույցներն ունենում են հատուկ արտոնություններ և գործունեության ծավալելու համար հատուկ լիազորություններ և պետք է ուղղակիորեն ենթարկվեն երկրի ղեկավարին:

Որպեսզի պարզ լինի, թե ինչ հնարավորություններ ունեցող կառույց էր կարող այն լինել, պետք է թեթևակի ուսումնասիրել Իսրայելի համարժեք կառույցը` Լիշկար -խա-Կեշիրը` NATIV-ը:

NATIV-ը ստեղծվել է 1952-ին և ֆունդամենտալ է դեր է կատարել Իսրայելի կյանքում Սովետական Միությունյան և Արևելյան Եվրոպայի երկրներում հրեաների ինքնագիտակցության բարձրացման (իսկ երբեմն ձևավորել ոչնչից) ու միլիոնավոր հրեաների ներգաղթի կազմակերպման գործում: Ներգաղթի միջոցով, ըստ որոշ իսրայելական փորձագետների կարծիքիմ, Իսրայելը դեմոգրաֆիական և ինտելեկտուալ առումով փրկվեց ոչնչացումից և կարողացավ դիմագրավել արաբներին:

Ստեփան Դանիելյան. Ֆեյսբուք: